અમેરિકન સાંસદોનું પ્રતિનિધિમંડળ પહોંચતાની સાથે જ ચીનનાં ફાઇટર જેટ્સ તાઇવાન પહોંચ્યા અને…

ચીને ફરી એકવાર તાઇવાનની જળસીમામાં ઘુસણખોરી કરી
નૈંસી પોલોસીના તાઇવાન પહોચ્યા બાદ ચીન ચીડાયેલું છે. તેણે ત્યારે પણ તાઇવાનને ઘેરીને મિલેટ્રી ડ્રીલ શરૂ કરી દીધી હતી. હવે તાઇવાનના રાષ્ટ્રપતિ ત્સાઇ ઇંગ વેને અમેરિકી સાંસદોના પ્રતિનિધિમંડળ સાથે મુલાકાત યોજી હતી. તેનાથી ચીડાઇને ચીને તાઇવાનની આસપાસ લોતાની લાઇવ મિલિટ્રી ડ્રીલને વધારી દીધી છે. હજી પણ આગામી ભવિષ્યમાં તે વધારવાની ચેતવણી ઉચ્ચારી છે. તાઇવાને પણ તેની પૃષ્ટી કરી છે.

તાઇવાને કહ્યું ચીન અમને ઉશ્કેરવાનો પ્રયાસ કરી રહ્યું છે
તાઇવાને કહ્યું કે, આજે ચીનના 30 એરક્રાફ્ટ અને પાંચ જહાજ તેની આસપાસ મિલિટ્રી ડીલ કરી હતી. તાઇવાનનો દાવો છે કે, 30 માંથી 15 એરક્રાફ્ટ તાઇવાનના જળસંધીની મીડિયન લાઇનને પણ ક્રોસ કરી લીધી હતી. અત્રે ઉલ્લેખનીય છે કે, ચીન તાઇવાન મુદ્દે ખુબ જ આક્રમક બની રહ્યું છે. તો બીજી તરફ અમેરિકા પણ તાઇવાનના બચાવમાં શક્ય તમામ મદદ કરી રહ્યું છે. હાલ તાઇવાનના બહાને અમેરિકા અને ચીન સામસામે આવી જાય તેવી શક્યતા છે.

ચીન અમેરિકાની મધ્યસ્થતાથી ભારે પરેશાન
અમેરિકા અગાઉ પણ ચીનને ચેતવણી આપી ચુક્યું છે કે, ચીન તાઇવાન પર અતિક્રમણ કરવાનું બંધ કરે નહી તો તેણે ભોગવવું પડશે. ચીન પણ યુદ્ધની મોકડ્રીલના બહાને વારંવાર અમેરિકા અને તાઇવાનને મુશ્કેલીમાં મુકે છે. તાઇવાન યુદ્ધ ટાળવા માંગી રહ્યું છે. જો કે ચીન તાઇવાન મુદ્દે ખુબ જ આક્રમક છે. ચીન તાઇવાનને પોતાનો હિસ્સો માને છે જ્યારે તાઇવાન પોતે સ્વતંત્ર હોવાનો દાવો કરે છે.