અજમેરના મેળામાં મોટી દુર્ઘટના, રાઇડ તુટી પડવાના કારણે અનેક મહિલા-બાળકો ઘાયલ

સ્વિંગ ઓપરેટર દુર્ઘટના બન્યાની મિનિટોમાં જ ફરાર થઇ ગયો
અકસ્માત બાદ સ્વિંગ ઓપરેટર ફરાર થઈ ગયો છે. માહિતી અનુસાર, સ્વિંગ ઓપરેટર તરત જ ઘટનાસ્થળેથી ફરાર થઈ ગયો હતો. આ ઘટના બાદ અજમેરના એડિશનલ એસપી ઘટનાસ્થળે પહોંચી ગયા છે. ઘટનાનો વીડિયો પણ ઝડપથી વાયરલ થઇ રહ્યો છે. અજમેરના સિવિલ લાઈન્સ પોલીસ સ્ટેશન વિસ્તારમાં આ મેળાનું આયોજન કરવામાં આવ્યું હતું. સ્વિંગ બરાબર ચાલી રહ્યું હતું પરંતુ અચાનક કેબલ તૂટી ગયો અને સ્વિંગ નીચે પટકાયું હતું. આ દુર્ઘટનામાં કેટલાક લોકોને ઈજા થઈ છે અને તેમને જેએલએન હોસ્પિટલમાં દાખલ કરવામાં આવ્યા છે.

10-15 લોકો ઘાયલ થયા હોવાના પ્રાથમિક અહેવાલ
આ અકસ્માતમાં 10-15 લોકો ઘાયલ થયા છે.પોલીસના જણાવ્યા અનુસાર, કોઈને ગંભીર ઈજા થઈ નથી અને તે ખતરાની બહાર છે. આ દુર્ઘટનામાં લગભગ 10-15 લોકો ઘાયલ થયાના સમાચાર છે.અજમેરના એડિશનલ એસપી સુનિલ સિહાગના જણાવ્યા અનુસાર, પોલીસ દુર્ઘટનાનું કારણ જાણવાનો પ્રયાસ કરી રહી છે. આ સમગ્ર મામલાની તપાસ કરવામાં આવશે અને આ મામલે ફેર સંચાલકો અને સ્વિંગ ઓપરેટરોની શું ભૂમિકા છે તે જાણવાનો પ્રયાસ કરવામાં આવશે. ઉપરાંત તેણે આ માટે જવાબદાર સંસ્થા પાસેથી NOC કે કંઇ લીધું હતું કે કેમ તે અંગે પણ તપાસ કરવામાં આવશે.