સાઉથના સુપરસ્ટાર અને DMDK નેતા વિજયકાંતનું નિધન, હોસ્પિટલમાં કોરોનાની ચાલી રહી હતી સારવાર

#WATCH | Tamil Nadu: Actor and DMDK Chief Captain Vijayakanth passes away at a hospital in Chennai.

(Visuals from Captain Vijayakanth's residence in Chennai) pic.twitter.com/pNd6ieJWOh

— ANI (@ANI) December 28, 2023

હોસ્પિટલે જાહેર કર્યું મેડિકલ બુલેટિન

જે MIOT હોસ્પિટલમાં વિજયકાંત દાખલ હતા, તે હોસ્પિટલે મેડિકલ બુલેટિન જાહેર કરીને કહ્યું કે, ‘ન્યુમોનિયાને કારણે દાખલ થયા બાદ કેપ્ટન વિજયકાંત વેન્ટિલેટર સપોર્ટ પર હતા. 28 ડિસેમ્બર 2023ના રોજ સવારે તેમનું અવસાન થયું છે.’

154 ફિલ્મોમાં કરી ચૂક્યા છે કામ

ડીએમડીકેના પ્રમુખને 20 નવેમ્બરે પણ હોસ્પિટલમાં દાખલ કરવામાં આવ્યા હતા અને આ મહિને તેઓ હોસ્પિટલમાંથી ઘરે પરત ફર્યા હતા. વિજયકાંતની હોસ્પિટલમાં શ્વાસની બીમારીની સારવાર ચાલી રહી હતી. વિજયકાંતની ફિલ્મી સફર શાનદાર રહી છે અને તેમણે ઘણી હિટ ફિલ્મો આપી છે અને તેઓ 154 ફિલ્મોમાં કામ કરી ચૂક્યા છે. ફિલ્મો પછી તેઓ રાજકારણમાં જોડાયા. તેમણે DMDKની સ્થાપના કરી અને વિરુધાચલમ અને ઋષિવંદ્યમ મતવિસ્તારનું પ્રતિનિધિત્વ કરતા બે વખત વિધાનસભાના સભ્ય તરીકે કામ કર્યું.

Actor-politician and DMDK founder Vijayakanth passes away in Chennai following illness: Hospital sources

— Press Trust of India (@PTI_News) December 28, 2023

વિપક્ષના નેતા પણ રહ્યા

તેમનું રાજકીય કરિયર ત્યારે ચરમસીમા પર હતું, જ્યારે તેઓ 2011થી 2016 સુધી તમિલનાડુ વિધાનસભામાં વિપક્ષના નેતા બન્યા હતા. તાજેતરના વર્ષોમાં, વિજયકાંતની તબિયત ચિંતાનો વિષય રહી છે, જેના કારણે તેઓને સક્રિય રાજકીય ભાગીદારીમાંથી પાછળ હટી જવું પડ્યું હતું.