T-Seriesના માલિકથી ડિવોર્સ લઈ રહી છે એક્ટ્રેસ દિવ્યા કુમાર ખોસલા? નામમાંથી પતિની અટક હટાવી

સમાચાર હાઇલાઇટ્સ

બોલિવૂડ એક્ટ્રેસ દિવ્યા કુમાર ખોલસાએ ઈન્સ્ટાગ્રામ પર નામ બદલ્યું.

નામમાંથી કુમાર સરનેમ હટાવી લેતા ભૂષણ કુમાર સાથેના સંબંધોને ખરાબ થવાની અટકળો.

ટી-સીરિઝ પ્રવક્તા દ્વારા જ્યોતિષના કહેવાથી નામ બદલ્યું.

Divya Kumar Khosla: બોલિવૂડ અભિનેત્રી દિવ્યા ખોસલા કુમાર તેની સુંદરતા માટે જાણીતી છે. અભિનેત્રી તેના રોલ કરતાં તેના લુક માટે વધુ ચર્ચામાં રહે છે. તાજેતરમાં તે ફરી એકવાર ચર્ચામાં આવી છે. આ વખતે સમાચારમાં આવવાનું કારણ તેનું ઇન્સ્ટાગ્રામ નામ છે, જે અભિનેત્રીએ તાજેતરમાં બદલ્યું છે. અભિનેત્રીએ પોતાના નામમાંથી કુમાર હટાવી દીધો છે. હવે તેના ઈન્સ્ટાગ્રામ આઈડી પર માત્ર દિવ્યા ખોસલા લખવામાં આવ્યું છે. આ જોયા પછી લોકો સતત સવાલ કરી રહ્યા છે કે બધું બરાબર નથી. એટલું જ નહીં, અન્ય ઘણી અટકળો પણ લગાવવામાં આવી રહી છે, જે ચાહકોને હેરાન અને પરેશાન કરી રહી છે.

અફવાઓ કેમ ફેલાઈ?

સોશિયલ મીડિયા પર અફવાઓ ઉડી રહી છે કે દિવ્યા ખોસલા કુમાર તેના પતિ ભૂષણ કુમારથી અલગ થઈ ગઈ છે અને તેના કારણે તેણે પોતાના નામમાંથી કુમાર હટાવી દીધું છે. હાલમાં, દિવ્યા ખોસલાએ આ અંગે હજુ સુધી કંઈ કહ્યું નથી, તેથી આ મામલો સંપૂર્ણપણે માત્ર અફવા હોઈ શકે છે. જો કે આ પહેલા પણ અભિનેત્રી પોતાના નામમાંથી પતિની સરનેમ હટાવી રહી હતી. સામંથા રૂથ પ્રભુએ અકિનેની સરનેમ પણ હટાવી દીધી હતી, જેના પછી તેના છૂટાછેડાના સમાચારો તેજ થયા હતા. આ વખતે પણ ચાહકો આ જ આધાર પર અનુમાન લગાવી રહ્યા છે. એટલું જ નહીં અભિનેત્રીએ ટી-સીરીઝને પણ અનફોલો કરી દીધી છે. જો ધ્યાન આપવામાં આવે તો, દિવ્યાએ માત્ર તેના નામમાંથી કુમારને જ કાઢી નાખ્યો નથી, પરંતુ એક એસ પણ ઉમેર્યો છે.

આ પણ વાંચો: AAP-કોંગ્રેસ વચ્ચે ત્રણ રાજ્યોમાં ગઠબંધન પર સહમતી, ગુજરાતમાં AAPને કેટલી સીટ મળશે?

સાચું કારણ શું છે

જો કે એક રિપોર્ટ અનુસાર ભૂષણ કુમારની ટીમે છૂટાછેડાની અફવાઓને પાયાવિહોણી અને ખોટી ગણાવી છે. આ બાબત પર પ્રકાશ ફેંકતા, ટી-સિરીઝના પ્રવક્તાએ કહ્યું કે, દિવ્યા ખોસલાએ તેની જ્યોતિષીય માન્યતાઓને કારણે તેની અટક હટાવી દીધી છે. આ તેમનો અંગત નિર્ણય છે, જેને લોકોએ માન આપવું જોઈએ. તેમણે તેમની પ્રથમ અટકમાં વધારાનો 's' પણ ઉમેર્યો, જે તેમની જ્યોતિષીય માન્યતાઓ અનુસાર લેવામાં આવેલ અન્ય નિર્ણય છે.

આ પણ વાંચો: 'સી.આર પાટીલ હાજીર હો...' મહેસાણા ચીફ કોર્ટે BJP પ્રદેશ પ્રમુખ વિરુદ્ધ સમન્સ કાઢ્યું, શું છે મામલો?

આ ફિલ્મમાં જોવા મળે છે

તમને જણાવી દઈએ કે, દિવ્યા ખોસલા કુમાર છેલ્લે 'યારિયાં 2'માં જોવા મળી હતી. આ ફિલ્મ બોક્સ ઓફિસ પર ખાસ કમાલ ન કરી શકી, પરંતુ આ ફિલ્મમાં દિવ્યા ખોસલાના લુકના વખાણ થયા હતા. લોકોને તેની સ્ટાઈલ ઘણી પસંદ આવી. દિવ્યા અને ભૂષણ કુમારના સંબંધોની વાત કરીએ તો બંને 20 વર્ષથી પરિણીત જીવન જીવી રહ્યા છે. બંનેને એક પુત્ર છે. અક્ષય કુમાર અને બોબી દેઓલ સાથે 'અબ તુમ્હારે હવાલે વતન સાથિયા'માં જોવા મળ્યા બાદ જ અભિનેત્રીએ ભૂષણ કુમાર સાથે લગ્ન કર્યા હતા.