અંબાણીની પાર્ટીમાં મહેમાનોને રૂ.500ની નોટોમાં સજાવીને હલવો પીરસવામાં આવ્યો? તસવીર વાઈરલ થઈ

અંબાણીની પાર્ટીમાં તસવીર સામે આવી
હકીકતમાં, NMACC ફેસ્ટિવલનું આયોજન 1 એપ્રિલના રોજ કરવામાં આવ્યું હતું. આ દરમિયાન પાર્ટીમાં પીરસવામાં આવેલી સ્વાદિષ્ટ વાનગીઓની કેટલીક તસવીરો ઈન્ટરનેટ પર ખૂબ વાયરલ થઈ રહી છે. આ તસવીરોમાં જોઈ શકાય છે કે, કેટલીક જગ્યાએ મહેમાનોને ચાંદીની થાળીમાં ભોજન પીરસવામાં આવ્યું હતું તો કેટલીક જગ્યાએ 500 રૂપિયાની નોટો સાથે મીઠાઈઓ પીરસવામાં આવી હતી. તસવીરમાં દેખાતી આ વાનગીનું નામ ‘દૌલત કી ચાટ’ છે. કહેવામાં આવી રહ્યું છે કે આ વાનગી ઉત્તર ભારતમાં ખૂબ જ પસંદ કરવામાં આવે છે, જે ખાસ કરીને શિયાળામાં ખાવામાં આવે છે.

Ambani ji ke party mein tissue paper ki jagah 500 ke notes hote hain 😭 pic.twitter.com/3Zw7sKYOvC

— R A T N I S H (@LoyalSachinFan) April 2, 2023

રૂ.500ની સાચી નોટો સાથે ફૂડ પીરસાયું?
સોશિયલ મીડિયા પ્લેટફોર્મ ટ્વિટર પર ‘@LoyalSachinFan’ હેન્ડલથી શેર કરવામાં આવી છે, જે ખૂબ જ જોવામાં આવી રહી છે અને પસંદ કરવામાં આવી રહી છે. આ તસવીરને અત્યાર સુધીમાં 191.8K વ્યૂઝ મળ્યા છે, જ્યારે 3 હજારથી વધુ લોકોએ આ ફોટોને લાઈક કર્યો છે. ફોટો શેર કરતી વખતે કેપ્શનમાં લખ્યું છે કે, ‘અંબાણીની પાર્ટીમાં ટિશ્યુ પેપરને બદલે 500ની નોટનો ઉપયોગ કરવામાં આવ્યો છે.’ પોસ્ટ જોયા બાદ યુઝર્સ અલગ-અલગ પ્રતિક્રિયા આપી રહ્યા છે. ખાસ વાત એ છે કે આ નોટો સાચી નથી પરંતુ નકલી નોટો છે, જેની સાથે મહેમાનોને આ રીતે હલવો પીરસવામાં આવ્યો હતો.