દિલ્હીના જવાહરલાલ નહેરૂ સ્ટેડિયમમાં મોટી દુર્ઘટના, પંડાલ ધરાશાયી થતા 8 લોકો ઈજાગ્રસ્ત

Jawaharlal Nehru Stadium: દિલ્હીના જવાહરલાલ નેહરુ સ્ટેડિયમમાં શનિવારે સવારે એક મોટી દુર્ઘટના ઘટી હતી. સ્ટેડિયમના ગેટ નંબર 2 પાસે બનાવવામાં આવી રહેલા લૉન હેન્ગરનો એક ભાગ ધરાશાયી થયો હતો. આ અકસ્માતમાં 8 લોકો ઘાયલ થયા છે, જેમને હોસ્પિટલમાં દાખલ કરવામાં આવ્યા છે. દિલ્હી પોલીસની ટીમ અને ફાયર બ્રિગેડની 2 ગાડીઓ ઘટનાસ્થળે હાજર છે. દુર્ઘટના વિશે માહિતી આપતા ડીસીપીએ કહ્યું કે, જે ભાગ પડ્યો છે તે ઘણો મોટો છે. કાટમાળ હટાવવામાં આવી રહ્યો છે.