કાળી કમાણી છોડીને દુબઈ ભાગ્યો ક્રિકેટ બુકી, રેડમાં મળ્યું 14 કિલો સોનું, 200 કિલો ચાંદી અને 17 કરોડ રોકડા

ઓનલાઈન ગેમિંગ પ્લેટફોર્મ બનાવનાર કથિત ‘બુકી’ અનંત ઉર્ફે સોન્ટુ નવરતન જૈન નાગપુરથી 160 કિમી દૂર ગોંદિયા શહેરમાં રહેતો હતો. જ્યારે પોલીસે જૈનના ઘરે દરોડો પાડ્યો ત્યારે તે તેના એક દિવસ પહેલા જ દુબઈ ભાગી ગયો હતો.

નાગપુરના પોલીસ આયુક્ત અમિતેશ કુમારે જણાવ્યું હતું કે, “જૈને ફરિયાદી – એક વેપારીને ઓનલાઈન જુગારમાંથી પૈસા કમાવવાની લાલચ આપી હતી. પ્રારંભિક ખચકાટ પછી, વેપારી જૈનની લાલચમાં આવી ગયો અને હવાલા એજન્ટ દ્વારા 8 લાખ રૂપિયા ટ્રાન્સફર કર્યા.” જૈને વેપારીને વોટ્સએપ પર ઓનલાઈન જુગાર ખાતું ખોલવા માટે એક લિંક આપી હતી. વેપારીને ખાતામાં 8 લાખ રૂપિયા જમા મળ્યા અને તેણે જુગાર રમવાનું શરૂ કર્યું.”

પોલીસ કમિશનરે કહ્યું કે, શરૂઆતની સફળતા પછી, વેપારીને આંચકો લાગવા માંડ્યો કારણ કે તેણે માત્ર રૂ. 5 કરોડ જીત્યા હતા પરંતુ બાદમાં રૂ.58 કરોડ ગુમાવ્યા. બિઝનેસમેનને પછી શંકા થઈ કારણ કે તે મોટાભાગે ખોટમાં હતો અને તેણે તેના પૈસા પાછા માંગ્યા, પરંતુ જૈને ના પાડી. કમિશનરે કહ્યું, ‘વેપારીએ સાયબર પોલીસમાં ફરિયાદ નોંધાવી, ત્યારબાદ ભારતીય દંડ સંહિતા હેઠળ છેતરપિંડીનો કેસ નોંધવામાં આવ્યો. પોલીસે આજે ગોંદિયામાં જૈનના ઘરે દરોડો પાડ્યો હતો.

દુબઈ ભાગી ગયો આરોપી, ઘરેથી મોટી રિકવરી થઈ
આ દરોડા દરમિયાન આરોપી બુકીના ઘરેથી 17 કરોડ રૂપિયા રોકડા, 14 કિલો સોનું અને 200 કિલો ચાંદીના રૂપમાં સોનાના બિસ્કિટ અને જ્વેલરી મળી આવી હતી. જોકે, બુકી જૈન પોલીસને ચકમો આપી ગયો હતો. તે દુબઈ ભાગી ગયો હોવાની આશંકા છે, અધિકારીએ જણાવ્યું હતું કે, જપ્ત કરાયેલી સંપત્તિની કુલ કિંમત હજુ નક્કી કરવાની બાકી છે.