ગુજરાતમાં જાતી આધારિત વસ્તી ગણતરી કરાવવાની કોંગ્રેસની માંગ, રાજ્યમાં અસમાનતાને દુર કરવા ડેટા જરૂરી

અમદાવાદ : હાલમાં જ બિહાર સરકાર દ્વારા કરવામાં આવેલી જાતિ આધારિત વસતી ગણતરીના આંકડાઓ જાહેર કરવામાં આવ્યા છે. બિહારમાં જાતી આધારિત વસ્તી ગણતરીમાં કુલ વસ્તી 13 કરોડ કરતા વધારે છે. રાજ્યમાં પછાત વર્ગની કુલ વસ્તી 27.31 ટકા છે. જ્યારે અત્યંત પછાત વર્ગની વસ્તી 36.01 ટકા છે. બીજી તરફ સામાન્ય વર્ગની 15.52 ટકા છે. બિહાર દ્વારા જાહેર કરાયેલા જાતિ આધારિત વસ્તી ગણતરીના આંકડાને પગલે હવે ગુજરાતમાં પણ કોંગ્રેસ દ્વારા જાતિ આધારિત વસ્તી ગણતરીની માંગ કરવામાં આવી રહી છે.