‘PMના ફેવરિટ નેતા ખડગે પરિવારની હત્યાનું ષડયંત્ર રચી રહ્યા છે’, કોંગ્રેસ નેતાના BJP પર ગંભીર આરોપ

કોંગ્રેસના નેતા રણદીપ સિંહ સુરજેવાલાએ કહ્યું કે ભાજપના નેતાઓ હવે મલ્લિકાર્જુન ખડગે અને તેમના પરિવારના સભ્યોની હત્યા કરવાનું કાવતરું ઘડી રહ્યા છે. હવે ચિત્તાપુરના ભાજપના ઉમેદવારના રેકોર્ડિંગ પરથી સ્પષ્ટ થઈ ગયું છે કે જે પીએમ મોદી અને સીએમ બોમાઈના પણ ફેવરિટ છે.

સુરજેવાલાના ગંભીર આરોપો
સુરજેવાલાએ કહ્યું કે ભાજપ લોકતંત્રની હત્યા કરી રહી છે અને હવે વિપક્ષને મારવાનું ષડયંત્ર પણ સામે આવી રહ્યું છે. તેમણે કહ્યું કે વડાપ્રધાન નરેન્દ્ર મોદી અને ગૃહમંત્રી અમિત શાહ કર્ણાટકમાં બંધારણની મજાક ઉડાવી રહ્યા છે. ભાજપ એવા સ્તરે આવી ગયું છે કે તે મલ્લિકાર્જુન ખડગેને મારી નાખવા માંગે છે. ભાજપને કર્ણાટકની જનતાએ નકારી કાઢી છે, તેથી તે નારાજ છે.

#WATCH | BJP leaders are now hatching a plot to murder Mallikarjun Kharge and his family members. This is now clear from the recording of BJP's candidate from Chittapur who also happens to be the blue-eyed boy of PM Modi and CM Bommai: Congress leader Randeep Singh Surjewala… pic.twitter.com/JuKFTYktNy

— ANI (@ANI) May 6, 2023

ચિત્તપુરના ભાજપના ઉમેદવારનો ઉલ્લેખ
સુરજેવાલાએ વધુમાં કહ્યું કે કર્ણાટક ચૂંટણી પ્રચાર દરમિયાન ભાજપને હવે ખબર પડી ગઈ છે કે માહોલ તેમની વિરુદ્ધ છે. તેથી હવે તે કોંગ્રેસ અધ્યક્ષ મલ્લિકાર્જુન ખડગે અને તેમના પરિવારની હત્યાનું કાવતરું ઘડી રહ્યા છે. તેમણે એક ઓડિયો ક્લિપ પણ સંભળાવી, જે ચિત્તપુરના ભાજપના ઉમેદવારનો અવાજ હોવાનું કહેવાય છે.