UP News: રાજ્યપાલને મળ્યા CM યોગી, 10 નવેમ્બરે મંત્રીમંડળનું વિસ્તરણ સંભવ, નવા મંત્રીઓ લઈ શકે છે શપથ

Gujarat Governer Meeting News: ઉત્તર પ્રદેશમાં કેબિનેટ વિસ્તરણની અટકળો વચ્ચે મુખ્યમંત્રી યોગી આદિત્યનાથે મંગળવારે સાંજે રાજ્યપાલ આનંદી બેન પટેલ સાથે મુલાકાત કરી. મુખ્યમંત્રીની રાજ્યપાલ સાથે મુલાકાત બાદ 10 નવેમ્બરે મંત્રીમંડળ વિસ્તરણની ચર્ચા ફરી તેજ બની છે. બીજી તરફ સુભાસપાના અધ્યક્ષ ઓમપ્રકાશ રાજભર અને પૂર્વ મંત્રી દારાસિંહ ચૌહાણ મંગળવારે મોડી રાત્રે લખનઉ પહોંચતા વધુ જોર પકડ્યું છે.

ગયા અઠવાડિયે અમિત શાહ સાથે યોજાઈ હતી બેઠક

સૂત્રોના જણાવ્યા અનુસાર, ગયા અઠવાડિયે મુખ્યમંત્રી યોગી આદિત્યનાથે કેન્દ્રીય ગૃહમંત્રી અમિત શાહ અને ભાજપના રાષ્ટ્રીય અધ્યક્ષ જે.પી નડ્ડા સાથેની મુલાકાતમાં મંત્રીમંડળના વિસ્તરણની સૈદ્ધાંતિક સમજૂતી થઈ હતી. કેન્દ્રીય નેતૃત્વએ સુભાસપાના પ્રમુખ ઓમપ્રકાશ રાજભર, પૂર્વ મંત્રી દારા સિંહ ચૌહાણ સહિત એક-બે અન્ય ચહેરાને કેબિનેટમાં સામેલ કરવાનો નિર્ણય મુખ્યમંત્રી પર છોડી દીધો છે.

10 નવેમ્બરે થઈ શકે છે વિસ્તરણ

રાજ્યપાલ સાથે સીએમની બેઠક બાદ ચર્ચા છે કે 9 નવેમ્બરે અયોધ્યામાં કેબિનેટ બેઠક બાદ 10 નવેમ્બરે મંત્રીમંડળનું વિસ્તરણ થઈ શકે છે. જેમાં લોકસભામાં જાતિય સમીકરણ સાધવા માટે ઓમપ્રકાશ રાજભર, દારા સિંહ સિવાય એક-બે નવા ચહેરાને સ્થાન મળી શકે છે.

રાજભરે દિલ્હીમાં કર્યું દબાણ

ભાજપ સૂત્રોના જણાવ્યા અનુસાર, સુભાસપાના અધ્યક્ષ ઓમપ્રકાશ રાજભરે મંત્રીમંડળમાં સામેલ થવા માટે દિલ્હીમાં ભાજપ નેતૃત્વ પર દબાણ કર્યું છે. જુલાઈમાં રાજભરે એનડીએમાં જોડાવાની જાહેરાત કરી હતી. ત્યારપછી તેઓ કેબિનેટમાં સ્થાન મેળવવા માટે અનેકવાર દિલ્હી દરબારમાં વાત કરી ચૂક્યા છે. દારા સિંહ ભાજપ પ્રદેશ અધ્યક્ષ ભૂપેન્દ્ર ચૌધરી અને નાયબ મુખ્યમંત્રી બ્રજેશ પાઠક સાથે પણ ઘણી વખત મુલાકાત કરી ચૂક્યા છે.

દારાસિંહના નામે ફસાયો હતો પેંચ

સૂત્રોના જણાવ્યા પ્રમાણે RSS અને BJPના કેટલાક નેતાઓ ઘોસી પેટાચૂંટણીમાં હાર બાદ દારા સિંહને મંત્રી બનાવવાના પક્ષમાં નથી. દારા સિંહના નામ પર સહમતિ ન હોવાના કારણે આ મામલો ઘણા દિવસોથી અટવાયેલો છે. પરંતુ ઓમપ્રકાશ રાજભરનું પોતાની સાથે દારા સિંહને મંત્રી બનાવવાનું દબાણ છે. પૂર્વાંચલના નોનિયા ચૌહાણ મતદારોને આકર્ષવા માટે દારા સિંહને સામેલ કરી શકાય છે.

લોકસભા બાદ ફરી થશે વિસ્તરણ!

ભાજપના સૂત્રોના જણાવ્યા અનુસાર, રાજ્ય સરકારના કેટલાક મંત્રીઓ પણ લોકસભાની ચૂંટણી લડશે. આવી સ્થિતિમાં લોકસભાની ચૂંટણી જીતનાર મંત્રીઓએ કેબિનેટમાંથી રાજીનામું આપવું પડશે. તેમના રાજીનામાને કારણે ખાલી પડેલી બેઠકો ભરવા માટે જુલાઇ 2024 પછી મંત્રીમંડળનું ફરીથી વિસ્તરણ થશે.