ChatGPT પણ પરીક્ષામાં Fail થયું, વિશ્વની સૌથી અધરી પરીક્ષા પૈકીની એકના જવાબ ન આપી શક્યું સોફ્ટવેર

UPSC ની પ્રિલિમ પરીક્ષાનું પ્રશ્નપત્ર ન ઉકેલી શકાયું
જેમાં UPSC પ્રિલિમ પરીક્ષાનું પ્રશ્નપત્ર ChatGPT દ્વારા ઉકેલવામાં આવ્યું હતું. જેમાં ChatGPT માત્ર 54 પ્રશ્નોના સાચા જવાબ આપી શક્યો હતો. UPSC પરીક્ષા દેશની સૌથી મોટી અને અઘરી પરીક્ષા છે. Analytics ઇન્ડિયા મેગેઝિન દ્વારા ChatGPT પરથી UPSC પરીક્ષા 2022 સંબંધિત પ્રશ્નો પૂછવામાં આવ્યા હતા. AIM એ પ્રશ્ન પૂછ્યો ‘શું ChatGPT UPSC પરીક્ષામાં પ્રવેશ મેળવી શકે છે?’ આના પર ChatGPT એ જવાબ આપ્યો કે AI લેંગ્વેજ મોડલ હોવાને કારણે મારી પાસે ઘણું જ્ઞાન છે. પરંતુ UPSC પરીક્ષા પાસ કરવા માટે જ્ઞાનની સાથે સાથે ક્રિટિકલ થિંકિંગ, એપ્લીકેશન ક્ષમતા અને સમય વ્યવસ્થાપન કૌશલ્ય હોવું પણ જરૂરી છે. પરંતુ હું મારી શ્રેષ્ઠ ક્ષમતા મુજબ તમને યોગ્ય જવાબ આપવાનો પ્રયત્ન કરીશ.

અનેક વિષયોના સવાલો આપવામાં CHATGPT અસમર્થ રહ્યું
ચેટજીપીટીમાંથી વિવિધ વિષયો પરથી પ્રશ્નો પૂછવામાં આવ્યા હતા. જેમાં ભૂગોળ, અર્થતંત્ર, ઐતિહાસિક, ઇકોલોજી, જનરલ સાયન્સથી લઈને વર્તમાન ઘટનાઓને લગતા રાષ્ટ્રીય અને આંતરરાષ્ટ્રીય મહત્વ અને સામાજિક વિકાસ અને રાજનીતિ વિજ્ઞાનને લગતા પ્રશ્નોનો સમાવેશ કરવામાં આવ્યો હતો. રિપોર્ટમાં જાણવા મળ્યું છે કે ચેટજીપીટીએ અર્થતંત્ર અને ભૂગોળ સંબંધિત પ્રશ્નોના ખોટા જવાબ આપ્યા છે. ChatGPT સરળ ઇતિહાસ પ્રશ્નોના જવાબ આપવામાં નિષ્ફળ ગયું. જો કે, આ પહેલીવાર નથી જ્યારે ChatGPT કોઈ પ્રશ્નનો જવાબ આપી શક્યું ન હતું.

CHATGPT જનરલ કેટેગરીના ઉમેદવારના કટઓફ જેટલા માર્ક ન મેળવી શક્યું
સામાન્ય શ્રેણીના ઉમેદવારો માટે કટઓફ 87.54 હતો, જે દર્શાવે છે કે ChatGPT UPSC પરીક્ષા પાસ કરી શક્યું નથી. દર વર્ષે લાખો ઉમેદવારો અરજી કરે છે, UPSC પરીક્ષા વિશ્વની સૌથી અઘરી પરીક્ષાઓમાંની એક ગણવામાં આવે છે. દર વર્ષે લાખો ઉમેદવારો આ પરીક્ષા આપે છે, પરંતુ તેમાંથી માત્ર થોડા જ મુખ્ય પરીક્ષા અને ઇન્ટરવ્યુમાં પ્રવેશ મેળવે છે. આ પણ વાંચો – બેંક પીઓ પરીક્ષા ટિપ્સ: બેંક પીઓ પરીક્ષાની એડવાન્સ તૈયારી કેવી રીતે કરવી તે પ્રયત્નોમાં સફળતા મળશે