Big Breaking: સરકારી કર્મચારીઓ માટે મોદી સરકારની મોટી ભેટ, યુનિફાઈડ પેન્શન સ્કીમને આપી મંજૂરી

હકીકતમાં, આજે શનિવારે (24 ઓગસ્ટ) કેન્દ્રીય કેબિનેટ બ્રીફિંગ વિશે માહિતી આપતાં કેન્દ્રીય માહિતી અને પ્રસારણ મંત્રી અશ્વિની વૈષ્ણવે કહ્યું કે, કેબિનેટની બેઠકમાં ઘણા મહત્વપૂર્ણ નિર્ણયો લેવામાં આવ્યા છે. જેમાં યુનિફાઇડ પેન્શન સ્કીમની જાહેરાત પણ સામેલ છે. આ યોજના રોજગાર પછી મળતા પેન્શનને ધ્યાનમાં રાખીને લાવવામાં આવી છે.

આ પણ વાંચો : જાણો શું છે યુનિફાઇડ પેન્શન સ્કીમ... જેને મોદી સરકારે આપી મંજૂરી

સરકારે જૂની પેન્શન યોજનામાં ઘટાડો કર્યો

કેન્દ્રીય મંત્રીએ કહ્યું, "વિપક્ષ માત્ર જૂની પેન્શન યોજના (OPS) પર રાજનીતિ કરી રહ્યો છે. દુનિયાભરના દેશોમાં કઈ કઈ યોજનાઓ છે તે જોયા પછી અને તમામ લોકો સાથે ચર્ચા કર્યા પછી આ સમિતિએ યુનિફાઈડ પેન્શન સ્કીમનું સૂચન કર્યું. કેબિનેટે યુનિફાઇડ પેન્શન સ્કીમને મંજૂરી આપી દીધી છે, કર્મચારીઓ તરફથી ખાતરીપૂર્વકની રકમની માંગ કરવામાં આવી હતી.

માહિતી આપતાં તેમણે કહ્યું કે, "પેન્શનરોને 50 ટકા ખાતરીપૂર્વકનું પેન્શન આપવામાં આવશે. નિવૃત્તિ પહેલાંના 12 મહિનાની સરેરાશ મૂળભૂત પગારના 50 ટકા હશે. આ પેન્શન 25 વર્ષની સેવા પછી જ આપવામાં આવશે. NPSને બદલે, સરકાર હવે યુનિફાઇડ પેન્શન આપશે.

જો કોઈ પેન્શનધારકનું મોત થઈ જાય છે, તો તેના પરિવારને કર્મચારીના મોત સમયે મળનારા પેન્શનના 60 ટકા રકમ આપવામાં આવશે. જો કોઈ 10 વર્ષ બાદ નોકરી છોડી દે છે તો તેને 10 હજાર રૂપિયા પેન્શન મળશે.