8 સાંસદોને PMO માંથી ફોન, પીએમ મોદીએ કહ્યું તમને બધાને હું સજા ફટકારુ છું અને…

PM Modi punished MPs in Parliament canteen : વડાપ્રધાન નરેન્દ્ર મોદીએ શુક્રવારે (9 ફેબ્રુઆરી) નવા સંસદ ભવનની કેન્ટીનમાં વિવિધ પક્ષોના સાંસદો સાથે લંચ લીધું હતું. લંચ પ્લાન પહેલા પીએમઓ તરફથી આ 8 સાંસદોને ફોન આવ્યો કે વડાપ્રધાન તેમને મળવા માંગે છે.

ફોન આવતા જ સાંસદો પીએમને મળવા પહોંચ્યા

પીએમઓ તરફથી ફોન આવ્યા બાદ તમામ આઠ સાંસદો વડાપ્રધાન કાર્યાલય પહોંચ્યા, પરંતુ તેમને શા માટે બોલાવવામાં આવ્યા તેની કોઈને જાણ નહોતી. આ દરમિયાન પીએમ મોદીએ આ સાંસદોને કહ્યું, “આજે હું તમને એક સજા આપું.” ત્યારબાદ વડાપ્રધાન બધાને પોતાની સાથે સંસદની કેન્ટીનમાં લઈ ગયા અને લંચ લીધું.

પીએમ મોદી સાથે આ સાંસદોએ લંચ લીધું

પીએમ મોદી સાથે લંચ લેનારા સાંસદોના નામ એલ મુરુગન, રિતેશ પાંડે, હીના ગાવિત, કોનિયાક, એન પ્રેમચંદ્રન, સમિત પાત્રા, રામ મોહન નાયડુ અને જામયાંગ સેરિંગ નામગ્યાલ છે.

Delhi | Prime Minister Narendra Modi had lunch with MPs at Parliament Canteen today. pic.twitter.com/98F0IAa3dt

— ANI (@ANI) February 9, 2024

શું ચર્ચા થઈ?

સાંસદો લગભગ એક કલાક સુધી પીએમ મોદી સાથે કેન્ટીનમાં રહ્યા હતા. આ દરમિયાન જ્યારે સાંસદોએ વડાપ્રધાનને તેમના અનુભવો વિશે પૂછ્યું તો તેમણે (પીએમ મોદીએ) પોતાના અંગત અનુભવો અને સૂચનો શેર કર્યા. સૂત્રોએ જણાવ્યું કે આ દરમિયાન કોઈ રાજકીય ચર્ચા થઈ નથી.

શું કહ્યું પીએમ મોદીએ?

સાંસદો સાથે વાત કરતા પીએમ મોદીએ કહ્યું કે, હું પણ સામાન્ય માણસ છું. હું હંમેશા વડાપ્રધાન જેવું વર્તન કરતો નથી અને હું લોકો સાથે વાત પણ કરું છું. આવી સ્થિતિમાં આજે મને તમારા લોકો સાથે ચર્ચા કરીને ભોજન કરવાનું મન થયું. આ કારણોસર મેં તમને બધાને બોલાવ્યા.