25 વર્ષમાં પહેલીવાર ગૂગલ સર્ચનો રેકોર્ડ તોડ્યો, દુનિયાભરના લોકોએ સર્ચ કરી આ વસ્તુ

કતારમાં આયોજિત ફિફા વર્લ્ડ કપ 2022ની ફાઇનલ મેચમાં  આર્જેન્ટિનાની ટીમ પેનલ્ટી શૂટઆઉટમાં ડિફેન્ડિંગ ચેમ્પિયન ફ્રાંસને 4-2થી હરાવીને વર્લ્ડ ચેમ્પિયન  બની. આર્જેન્ટિના લગભગ 36 વર્ષ બાદ વર્લ્ડ ચેમ્પિયન બન્યું. આ મેચ સાથે જ ફૂટબોલની દુનિયાના અનેક રેકોર્ડ તૂટ્યા. પણ સૌથી દિલચસ્પ અને ચોંકાવનારી વાતે એ હતી કે FIFA વર્લ્ડ કપ 2022 ની ફાઈનલને કારણે ફુટબોલની દુનિયાની બહારનો પણ એક રેકોર્ડ તૂટ્યો. આ રેકોડ હતો ગુગલ સર્ચનો રેકોર્ડ.

આ મામલે ગૂગલના સીઈઓ સુંદર પિચાઈએ કરેલા ટ્વીટમાં લખ્યું છે કે ફિફા વર્લ્ડ કપ 2022ની ફાઈનલ દરમિયાન ગુગલમાં થયેલા સર્ચે છેલ્લા 25 વર્ષનો રેકોર્ડ તોડ્યો છે. આ સમયગાળા દરમિયાન મહત્તમ ટ્રાફિક નોંધાયો હતો. એવું લાગતું હતું કે આખું વિશ્વ એક જ વસ્તુ શોધી રહ્યું હતું અને તે વસ્તુ હતી ફિફા વર્લ્ડ કપના વિજેતાની શોધ.

Search recorded its highest ever traffic in 25 years during the final of #FIFAWorldCup , it was like the entire world was searching about one thing!

— Sundar Pichai (@sundarpichai) December 19, 2022

પહેલા  કરેલા ટ્વિટમાં સુંદર પિચાઈએ લખ્યું હતું કે અત્યાર સુધીની શ્રેષ્ઠ રમતોમાંથી એક આર્જેન્ટિના અને ફ્રાન્સ વચ્ચેની શ્રેષ્ઠ મેચ છે. મેસ્સીથી વધુ કોઈ તેને લાયક નથી. તે અમુક અંશે સાચું છે કે છેલ્લા કેટલાક વર્ષોમાં આખી દુનિયાને સૌથી અદભૂત ફિનાલે જોવા મળી. પ્રથમ હાફમાં આર્જેન્ટિનાએ બે ગોલ કર્યા હતા અને ફ્રાન્સની ટીમ પાછળ હતી. પરંતુ ત્યાર બાદ બીજા હાફમાં ફ્રાન્સે બે મિનિટમાં બે ગોલ કરીને મેચને બરાબરી પર લાવી દીધી હતી. એકતરફી દેખાતી મેચ વધુ રસપ્રદ બની હતી.

One of the greatest games ever. Well played Argentina and France. Jogo Bonito. Nobody deserves it more than #messi, imho the greatest ever to play the game. What a swansong. #FIFAWorldCup

— Sundar Pichai (@sundarpichai) December 18, 2022