Bhavnagar News: ડેન્ગ્યુનો હાહાકાર, બે માસુમ બાળકીઓનો લીધો જીવ

તંત્ર પર લોકોમાં નારાજગી

સિહોરનાં પાંચવડા વિસ્તાર ગંદકી અને કચરાથી ખદબદી રહ્યો છે. આ વિસ્તારમાં ડેંગ્યુના કેસો વધુ પ્રમાણમાં નોંધાયા છે. પરિવાર અને વિસ્તારના લોકોનો આરોપ છે કે સિહોર નગરપાલિકાની ઘોર લાપરવાહીનાં કારણે આ બે બાળકીઓનાં મોત થયા છે. પરિવારનો આરોપ છે કે પાંચવડા વિસ્તારમાં ગંદકી અને કચરાના ઢગલાઓ છે. આ ઢગલાઓમાં મચકોડિયાઓનો વાસ છે. નગરપાલિકાને અનેકવાર રજૂઆતો કરવામાં આવી છે, પરંતુ કોઈ કાર્યવાહી કરવામાં આવી નથી.

G20 Summit 2023: 123 એકરમાં ફેલાયું, ત્રણ માળ… જ્યાં થશે G 20ની સમિટ તે ‘ભારત મંડપમ્’ કેવું છે?

બાળકીઓના મોત થયા તે વિસ્તારમાં હજુ પણ ગંદકી

જે વિસ્તારમાં બે માસૂમ બાળકીઓના મોત થયા છે, તેના ઘર નજીક જ કચરાના ઢગલા હજી પણ જોવા મળી રહ્યા છે. આ વિસ્તારમાં હજી પણ 4 થઈ 5 ડેંગ્યુના કેસ સક્રિય છે. બાળકીઓના મોતના કારણે વિસ્તારમાં રોષ ફેલાયો છે. લોકોએ સિહોર નગરપાલિકા પર આકરા પ્રહારો કર્યા છે.

સિહોર નગરપાલિકાના ચેરમેન ચંદ્રકાંત રાણાએ આરોપોનો ખંડન કર્યો છે. તેમનું કહેવું છે કે નગરપાલિકા દ્વારા સતત ડેંગ્યુથી બચવા માટેના પ્રયાસો કરવામાં આવી રહ્યા છે. પાંચવડા વિસ્તારમાં પણ દવા છંટકાવ કરવામાં આવ્યો છે. બાળકીઓના મોતની તપાસ માટે સરકારી તંત્રે તપાસ શરૂ કરી છે.

(ઈનપુટઃ નીતિન ગોહિલ, ભાવનગર)