BCCIનો ઐતિહાસિક નિર્ણય: મહિલા અને પુરૂષ ક્રિકેટરોને સમાન ફી મળશે, જય શાહે જાહેરાત કરી

જય શાહે સોશિયલ મીડિયા દ્વારા આ ઐતિહાસિક નિર્ણયની જાહેરાત કરતાં કહ્યું કે,  એ જણાવતા આનંદ થાય છે કે BCCIએ આ ભેદભાવ દૂર કરવા માટે પહેલું પગલું ભર્યું છે. અમે અમારી કોન્ટ્રાક્ટેડ મહિલા ક્રિકેટરો માટે વેતન ઇક્વિટી પોલિસી લાગુ કરી રહ્યા છીએ. અમે લિંગ સમાનતાના નવા યુગમાં પ્રવેશી રહ્યા છીએ. આવી સ્થિતિમાં, આ નીતિ હેઠળ, હવેથી પુરૂષ અને મહિલા બંને માટે સમાન મેચ ફી હશે. તેણે કહ્યું કે હવેથી મહિલાઓને પણ પુરૂષો જેટલી જ મેચ ફી મળશે. ટેસ્ટ ક્રિકેટમાં એક મેચ માટે 15 લાખ રૂપિયા આપવામાં આવે છે. જ્યારે વન-ડે ઈન્ટરનેશનલમાં પુરુષોને એક મેચ માટે 6 લાખ રૂપિયા આપવામાં આવે છે.

I’m pleased to announce @BCCI’s first step towards tackling discrimination. We are implementing pay equity policy for our contracted @BCCIWomen cricketers. The match fee for both Men and Women Cricketers will be same as we move into a new era of gender equality in ?? Cricket. pic.twitter.com/xJLn1hCAtl

— Jay Shah (@JayShah) October 27, 2022

બીસીસીઆઈના સેક્રેટરી જય શાહે કહ્યું કે ટી20 ઈન્ટરનેશનલ ક્રિકેટમાં એક મેચ રમવા માટે પુરુષોને 3 લાખ રૂપિયા મળે છે. હવે આ જ ફી મહિલા ક્રિકેટરોને પણ આપવામાં આવશે. આ સાથે જય શાહે આ નિર્ણયને સમર્થન આપવા બદલ એપેક્સ કાઉન્સિલનો પણ આભાર માન્યો છે. હાલમાં મહિલા ક્રિકેટરોને કોઈપણ એક ODI અથવા T20 ઈન્ટરનેશનલ મેચ માટે 1 લાખ રૂપિયા મળે છે. જ્યારે ટેસ્ટ મેચ માટે 4 લાખની ફી આપવામાં આવે છે. BCCIની જાહેરાત બાદ હવે મહિલા ટીમને પુરૂષ ટીમ જેટલી જ મેચ ફી મળશે.

The @BCCIWomen cricketers will be paid the same match fee as their male counterparts.  (INR 15 lakhs), ODI (INR 6 lakhs), T20I (INR 3 lakhs). Pay equity was my commitment to our women cricketers and I thank the Apex Council for their support. Jai Hind ??

— Jay Shah (@JayShah) October 27, 2022

પુરુષોને કેટલી મેચ ફી મળે છે?

• એક ટેસ્ટ મેચઃ રૂ. 15 લાખ
• એક વનડે મેચઃ રૂ. 6 લાખ
• એક ટી20 મેચઃ રૂ. 3 લાખ