બાંગ્લાદેશમાં બની વચગાળાની સરકાર, નોબલ પુરસ્કાર વિજેતા મુહમ્મદ યુનસે લીધા શપથ, PM મોદીએ કહ્યું...

ભૂતપૂર્વ વડાપ્રધાન શેખ હસીનાએ બાંગ્લાદેશ છોડ્યા પછી નોબેલ પુરસ્કાર વિજેતા મોહમ્મદ યુનુસને વચગાળાની સરકારના વડા તરીકે પસંદ કરવામાં આવ્યા હતા. ગ્રામીણ બેંકના સ્થાપક અને પ્રખ્યાત સામાજિક કાર્યકર્તા યુનુસ વચગાળાની સરકારનું નેતૃત્વ કરશે. નોંધનીય છે કે, બાંગ્લાદેશની એક કોર્ટે પણ ચાર્જ સંભાળ્યાના એક દિવસ પહેલા જ યુનુસને શ્રમ કાયદાના ઉલ્લંઘનના કેસમાં અગાઉની સજાને રદ કરી દીધી હતી.

અમે હિન્દુઓની રક્ષાની ખાતરીની આશા રાખીએ છીએ : પીએમ મોદી

વડાપ્રધાન મોદીએ ટ્વિટ કરીને મુહમ્મદ યુનુસને શુભેચ્છા પાઠવી છે. પીએમ મોદીએ લખ્યું કે, પ્રોફેસર મુહમ્મદ યુનુસને તેમની નવી જવાબદારીઓ ગ્રહણ કરવા પર મારી શુભેચ્છાઓ. અમે હિંદુઓ અને અન્ય તમામ લઘુમતી સમુદાયોની સલામતી અને રક્ષણની ખાતરી કરીને સામાન્ય સ્થિતિમાં વહેલા પાછા આવવાની આશા રાખીએ છીએ. શાંતિ, સુરક્ષા અને વિકાસ માટેની આપણા બંને લોકોની સહિયારી આકાંક્ષાઓને પૂર્ણ કરવા માટે ભારત-બાંગ્લાદેશ સાથે કામ કરવા પ્રતિબદ્ધ છે.