સિક્કિમમાં હિમસ્ખલન: પ્રવાસીઓ ભરેલી બસ ખાઈમાં ખાબકતા 6નાં મોત, હજુ 150 લોકો બરફ નીચે દટાયેલા છે

બરફનું તોફાન આવતા ટુરિસ્ટ બસ બેકાબૂ બનીને ખાઈમાં ખાબકી
એવું કહેવામાં આવી રહ્યું છે કે મંગળવારે ત્સોમગોમાં જોરદાર બરફનું તોફાન આવ્યું હતું. તે વાવાઝોડાને કારણે એક ટુરિસ્ટ બસ બેકાબૂ બનીને સીધી ખાડીમાં ખાબકી હતી. આ અકસ્માતમાં ચાર પુરુષ, એક મહિલા અને એક બાળકના ઘટનાસ્થળે જ મોત થયા હતા. ચિંતાનો વિષય છે કે હજુ પણ 150 લોકો બરફ નીચે ફસાયેલા છે. સિક્કિમ પોલીસની સાથે સ્થાનિક લોકોએ જમીન પર બચાવ કાર્ય શરૂ કર્યું છે. ઘણા લોકો હજુ પણ ઘાયલ છે, તેથી મૃત્યુઆંક વધી શકે છે.

અગાઉ જાન્યુઆરીમાં લદ્દાખમાં બે છોકરીઓના મોત થયા હતા
આ પહેલા જાન્યુઆરીમાં લદ્દાખ ક્ષેત્રના ટંગોલ ગામમાં પણ હિમસ્ખલન થયું હતું. એ તોફાને બે છોકરીઓનો જીવ લીધો. એ જ રીતે, ગયા વર્ષે ઉત્તરકાશીમાં હિમપ્રપાતને કારણે ભારે તબાહી સર્જાઈ હતી અને 16 લોકોના મોત થયા હતા.

સિક્કિમમાં હિમસ્ખલનથી પ્રવાસીઓ ભરેલી બસ ખાઈમાં ખાબકતા 6નાં મોત, હજુ 150 જેટલા લોકો બરફ નીચે દબાયેલા છે. અસરગ્રસ્તોમાં ગુજરાતીઓ પણ હોવાની આશંકા…#sikkim #gujaratinews pic.twitter.com/deypi4wH7f

— Gujarat Tak (@GujaratTak) April 4, 2023