અતિક અહેમદના હત્યારાઓ આતંકવાદી, UAPA કેમ ન લગાવવામાં આવી? ઓવૈસીએ ઉઠાવ્યા સવાલો

હત્યાના કાવતરા પર સવાલ ઉઠાવતા અસદુદ્દીન ઓવૈસીએ કહ્યું, ‘વપરાતા દરેક હથિયારની કિંમત 8 લાખ રૂપિયા છે. અમે મીડિયા રિપોર્ટ્સમાં જોયું છે કે હત્યાના એક આરોપીનો પરિવાર ઝૂંપડીમાં રહેતો હતો જ્યારે બીજાનો પરિવાર એક રૂમમાં રહેતો હતો. તેને આ ગેરકાયદેસર પૈસા કેવી રીતે મળ્યા.

ઓવૈસીએ વધુમાં કહ્યું કે, ‘આ હત્યારાઓને તાલીમ આપવામાં આવી હતી, તે દર્શાવે છે કે આ હત્યારા ગોડસેના ગેરકાયદેસર બાળકો છે, કારણ કે ગોડસેએ ગાંધીને ગોળી મારી હતી, અને આ હત્યારા ગોડસેના ઉત્તરાધિકારી છે, આ ત્રણેય હત્યારા આતંકવાદી સેલના ભાગ છે.

આદિત્યનાથને કર્યો આ સવાલ
અસદુદ્દીન ઓવૈસીએ કહ્યું કે ‘હું યુપીના મુખ્યમંત્રીને પૂછું છું, શું તમને પત્ર મળ્યો નથી. મૃતકે પહેલા કહ્યું હતું કે તે યુપીના સીએમ અને સીજેઆઈને પત્ર મોકલશે કે જો તેનું મૃત્યુ થશે તો જવાબદાર કોણ? હત્યારાઓ આતંકવાદી છે, તેઓ કટ્ટરપંથી છે. સરકારે તેમને અટકાવવા જોઈએ.

ઓવૈસીએ એક કાર્યક્રમ દરમિયાન કહ્યું, ‘ડરમાં ન જીવો, હું તમને (લોકોને) કાયદાની વિરુદ્ધ જવા માટે નથી કહી રહ્યો. કાયદાના દાયરામાં રહીને હિંમત બતાવો. આપણા દેશમાં જે લોકોના હાથમાં હાથકડી છે. તેમની પોલીસ કસ્ટડીમાં હત્યા થઈ રહી છે.

વરરાજાની જાનમાં પોલીસકર્મીઓ આવ્યા હતા? 
ઓવૈસી કહ્યું, ‘જ્યારે ગોળીઓ ચલાવવામાં આવી ત્યારે અતીક અને અશરફની આસપાસ ઉભેલી પોલીસે એક પણ ગોળી ચલાવી ન હતી. એવું લાગતું હતું કે તેઓ (પોલીસ) ‘વરની જાન’ માટે આવ્યા હતા. સાંસદ ઓવૈસીએ કહ્યું કે, ‘જ્યારે મારા ગોળીઓ ચલાવવામાં આવી હતી, ત્યારે JSR જેવા જ નારા લગાવવામાં આવ્યા હતા. બની શકે છે કે, તેઓ મને મારી નાખવાનો બીજો પ્રયાસ કરશે, પરંતુ હું ડરતો નથી, જ્યાં સુધી અલ્લાહ મને જીવતો રાખશે ત્યાં સુધી હું જીવીશ’. અતીકે યુપી સરકારને સવાલ પૂછ્યો કે, ‘જ્યારે અમારા પ્રધાન સેવક પીએમ અને યુપીના મુખ્યમંત્રી હતા ત્યારે અતીકની હત્યા કેવી રીતે થઈ? UAPA હેઠળ આરોપીઓ પર કેમ આરોપ નથી? આનો કોઈ જવાબ નથી?