‘ચૂંટણી પરિણામો પર રાહુલ ગાંધીની ભવિષ્યવાણી સાચી પડી’, પીયૂષ ગોયલે ટ્વીટ કર્યો ‘Moye-Moye વીડિયો’

Rahul Gandhi Moye-Moye Video: ચાર રાજ્યોમાં યોજાયેલી વિધાનસભા ચૂંટણીના પરિણામો સામે આવી રહ્યા છે. આ ચારમાંથી ભાજપને 3 રાજ્યોમાં લીડ મળતી દેખાઈ રહી છે, જ્યારે કોંગ્રેસ માત્ર તેલંગાણામાં જ આગળ છે. આ જીત જોઈને ભાજપના નેતાઓ સતત કોંગ્રેસ પર નિશાન સાધી રહ્યા છે. બીજેપી નેતા અને કેન્દ્રીય મંત્રી પીયૂષ ગોયલે રાહુલ ગાંધીનું એક જૂનું નિવેદન શેર કર્યું, જેમાં તેમણે ભૂલથી તેમની પાર્ટીની સરકાર જવાની વાત કરી હતી.

વાસ્તવમાં લગભગ એક મહિના પહેલા કોંગ્રેસ નેતા રાહુલ ગાંધી પ્રેસ કોન્ફરન્સ કરી રહ્યા હતા. ત્યાં રાહુલ ગાંધીએ ભૂલથી કહ્યું હતું કે, રાજસ્થાન અને છત્તીસગઢમાં પણ સરકાર જઈ રહી છે. જોકે, થોડા સમય પછી રાહુલને સમજાયું કે તેમની સરકાર હજુ પણ આ બે રાજ્યોમાં સત્તામાં છે અને તેમણે એમ કહીને પોતાની ભૂલ સુધારી લીધી કે રાજસ્થાન અને છત્તીસગઢમાં સરકાર આવી રહી છે અને તેમની સરકાર મધ્યપ્રદેશમાં છે, જે જઈ રહી છે. પરંતુ રાહુલના નિવેદનની ટૂંકી ક્લિપ વાયરલ થઈ ગઈ હતી.

કેન્દ્રીય મંત્રીએ જૂનો વીડિયો શેર કર્યો છે

પરંતુ હવે જ્યારે પરિણામો લગભગ સ્પષ્ટ જણાય છે, ત્યારે ભાજપના નેતા પીયૂષ ગોયલે તેમના જૂના નિવેદનની અડધી ક્લિપ અપલોડ કરીને રાહુલની ઝાટકણી કાઢી છે. કોંગ્રેસ નેતાનું નિવેદન શેર કરતા તેમણે લખ્યું કે, રાહુલજીની ભવિષ્યવાણી સાચી સાબિત થઈ.

सच हुई राहुल जी की भविष्यवाणी pic.twitter.com/lXQJCmdHG4

— Piyush Goyal (@PiyushGoyal) December 3, 2023

કોંગ્રેસ ચૂંટણીમાં હારી રહી છે

બપોર સુધીના મતગણતરીના વલણો અનુસાર, ભાજપે 8 બેઠકો જીતી છે અને 106 બેઠકો પર આગળ છે, જ્યારે કોંગ્રેસ 1 બેઠક જીતીને 69 બેઠકો પર આગળ છે. રાજ્યની 200 વિધાનસભા બેઠકોમાંથી 199 બેઠકો માટે 25 નવેમ્બરે મતદાન થયું હતું.

‘ચૂંટણી પરિણામો પર રાહુલ ગાંધીની ભવિષ્યવાણી સાચી પડી’, પીયૂષ ગોયલે ટ્વીટ કર્યો ‘Moye-Moye વીડિયો’

Yogesh Gajjar

Yogesh Gajjar

કેન્દ્રીય મંત્રીએ જૂનો વીડિયો શેર કર્યો છે

કોંગ્રેસ ચૂંટણીમાં હારી રહી છે