EDની રેડ બાદ અર્પિતાની 4 કાર ગાયબ, CCTV ફૂટેજના મારફતે તપાસ શરુ

આ ચાર કારમાં અર્પિતા મુખર્જીના નામ પર હોન્ડા સીટી અને ઓડી કાર નો સમાવેશ થાય છે જયારે બીજી બે કાર કોની છે તેમના અંગે કોઈ જાણકારી મળી નથી. 23 જુલાઈના રોજ અર્પિતાના ફ્લેટ પર પહેલી વખત EDની રેડ પડી હતી. આ રેડમાં 21 કરોડ રોકડા, 20 મોબાઈલ અને 50 લાખ રૂપિયાના દાગીના મળી આવ્યા હતા. આ ઉપરાંત EDને અર્પિતાના ઘરેથી 60 લાખનું વિદેશી કરન્સી મળી આવ્યું હતું. EDએ અર્પિતાના અન્ય ફ્લેટમાંથી 27.9 કરોડ કેશ મળ્યા હતા. જેમાં 2000 અને 500ની નોટ મળી આવી હતી.

રડતી જોવા મળી અર્પિતા
ED કસ્ટડીમાં કારમાંથી ઉતરતા પહેલા જ અર્પિતા મુખર્જી રડતી જોવા મળી હતી. મહિલા સુરક્ષાકર્મીઓ તેને કારમાંથી ઉતારવાનો પ્રયાસ કરી રહીહતી તે દરમિયાન પોતાના હાથથી ચહેરો ઢાંકીને તે રડતી પણ જોવા મળી હતી.અર્પિતાને મેડિકલ ચેકઅપ માટે લઈ જતા પહેલા જાણવા મળ્યું છે કે અર્પિતા મુખર્જી પર EDના દરોડા બાદથી તેની ચાર કાર ગુમ થઈ ગઈ છે. ED સૂત્રોના જણાવ્યા અનુસાર, અર્પિતાની આ ચાર કાર તેના ડાયમંડ સિટી કોમ્પ્લેક્સમાંથી ગુમ હોવાનું કહેવાય છે. આમાંથી બે કાર અર્પિતાના નામે છે. અર્પિતાની ડાયમંડ સિટીના ફ્લેટમાંથી ધરપકડ કરવામાં આવી ત્યારથી આ કાર્સ ગુમ હોવાનું કહેવાય છે. હાલ સીસીટીવી ફૂટેજ જોઈને કારને ટ્રેસ કરવાના પ્રયાસો કરવામાં આવી રહ્યા છે.