પૃથ્વી શૉ અને યુવતી વચ્ચે બેઝબોલના બેટથી થઈ મારામારી, જાણો શું છે મામલો

પૃથ્વી શૉના મિત્ર આશિષ સુરેન્દ્ર યાદવે આપેલી ફરિયાદ મુજબ તેના પર બેઝબોલ બેટથી હુમલો કરવામાં આવ્યો હતો. ત્યારબાદ આરોપીઓએ કારનો પીછો કર્યો હતો અને પૈસા ન આપવા બદલ ખોટો કેસ કરવાની ધમકી આપી હતી. સુરેન્દ્રએ 8 લોકો સામે ફરિયાદ નોંધાવી છે. આ 8 લોકોમાંથી સના ઉર્ફે સપના ગિલ અને શોભિત ઠાકુર નામના બે લોકોની ઓળખ હોટલના મેનેજરે પોતે કરી હતી અને પોલીસને જણાવ્યું હતું.

પૃથ્વી શો પર લાગ્યો આરોપ
આ કેસમાં સપનાના વકીલ અલી કાશિફ ખાને પૃથ્વી શૉ પર મારપીટનો આરોપ લગાવ્યો છે. તેણે કહ્યું, ‘પૃથ્વી શોએ સપના પર હુમલો કર્યો. પૃથ્વી શૉના હાથમાં પણ લાકડી દેખાઈ રહી છે. પૃથ્વી શૉના મિત્રોએ અગાઉ પણ હુમલો કર્યો હતો. સપના હાલમાં ઓશિવારા પોલીસ સ્ટેશનમાં છે. પોલીસે તેને મેડિકલ માટે જવાની પરવાનગી આપી નથી. તમને જણાવી દઈએ કે પૃથ્વી શૉનો એક વીડિયો વધુ વાયરલ થઈ રહ્યો છે, જેમાં તેના હાથમાં લાકડી દેખાઈ રહી છે. આ દરમિયાન સપના ગિલ પૃથ્વી શૉના હાથમાં દેખાતી લાકડી પકડીને જોવા મળે છે.

જાણો શું છે વિવાદ
આ સમગ્ર ઘટના બુધવારની છે. જ્યારે પૃથ્વી શૉ તેના મિત્રો સાથે ફાઈવ સ્ટાર હોટલમાં ડિનર કરવા પહોંચ્યો હતો. આ દરમિયાન જ આ તમામ વિવાદ સામે આવ્યો હતો. ફરિયાદ અનુસાર, ડિનર દરમિયાન અજાણ્યા આરોપી પૃથ્વી શૉ પાસે આવ્યા અને સેલ્ફી લેવાની માંગ કરી. શૉએ બે લોકો સાથે સેલ્ફી પણ લીધી હતી, પરંતુ તે જ જૂથ પાછો ફર્યો અને અન્ય  આરોપીઓ સાથે સેલ્ફી લેવાનું કહ્યું. પૃથ્વી શૉએ આ વખતે એમ કહીને ના પાડી દીધી કે તે મિત્રો સાથે જમવા આવ્યો હતો અને ખલેલ પહોંચાડવા માંગતો નથી. ફરિયાદ મુજબ, જ્યારે તેણે વધુ આગ્રહ કર્યો ત્યારે પૃથ્વીના મિત્રએ હોટેલ મેનેજરને ફોન કરીને ફરિયાદ કરી. મેનેજરે તે લોકોને હોટેલમાંથી બહાર નીકળવા કહ્યું. આ પછી તેઓ બધા બહાર પૃથ્વી શૉની રાહ જોવા લાગ્યા હતા.

પૈસાની કરી માંગણી
બહાર નીકળતી વખતે, તેઓએ બેઝબોલ બેટ વડે પૃથ્વી શૉના મિત્રની કારના કાંચ તોડયા હતા. તે દરમિયાન કારમાં માત્ર પૃથ્વી શો હાજર હતો. ફરિયાદમાં જણાવ્યું હતું કે પૃથ્વી શો કારમાં હતો અને અમે કોઈ વિવાદ ઇચ્છતા નથી. એટલા માટે અમે પૃથ્વી શૉને બીજી કારમાં મોકલ્યા. જોગેશ્વરીમાં લોટસ પેટ્રોલ પંપ પાસે શૉના મિત્રની કાર રોકાઈ હતી. જ્યાં એક મહિલાએ આવીને કહ્યું કે જો આ મામલો ઉકેલવો હશે તો 50 હજાર રૂપિયા આપવા પડશે નહીં તો ખોટા આરોપો લગાવશે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…

અમે સતત અપડેટ કરી રહ્યા છીએ