Air Pollution News: રાજધાની દિલ્હીમાં ઝેરી હવાનો કહેર, લોકોને શ્વાસ લેવામાં પડી રહી છે મુશ્કેલી; જાણો આજે શું છે AQI

આજે દિલ્હી-NCRમાં AQI શું છે?

સેન્ટ્રલ પોલ્યુશન કંટ્રોલ બોર્ડ (CPCB) અનુસાર, આજે એટલે કે 08 નવેમ્બરના રોજ સવારે 5 વાગ્યાની વાત કરીએ તો આનંદ વિહારમાં AQI 452 અને RK પુરમમાં AQI 433 નોંધવામાં આવ્યો હતો. પંજાબી બાગ વિસ્તારમાં એર ક્વોલિટી ઈન્ડેક્સ સવારે 5 વાગ્યે 460 નોંધાયો હતો, જ્યારે ITOમાં AQI 413 નોંધાયો હતો. તમને જણાવી દઈએ કે શૂન્યથી 50ની વચ્ચે AQI સારો માનવામાં આવે છે, 51થી 100ની વચ્ચે AQI ‘સંતોષકારક’, 101થી 200ની વચ્ચે ‘મધ્યમ’, 201થી 300 વચ્ચે’ખરાબ’, 301થી 400ની વચ્ચે ‘ખૂબ ખરાબ’ અને 401થી 500ની વચ્ચે AQI ‘ગંભીર’ માનવામાં છે.

Air quality across Delhi continues to be in the 'Severe' category as per the Central Pollution Control Board (CPCB).

AQI in Anand Vihar at 452, in RK Puram at 433, in Punjabi Bagh at 460 and in ITO at 413 pic.twitter.com/XkMRkt65sj

— ANI (@ANI) November 8, 2023

સવારે 7 વાગ્યે કેટલો નોંધાયો AQI?

નવી દિલ્હીમાં સવારે 7 વાગ્યે AQI 421 નોંધાયો હતું. સેન્ટ્રલ પોલ્યુશન કંટ્રોલ બોર્ડ (CPCB)ના સવારા 7 વાગ્યાના આંકડા અનુસાર, લોધી રોડ, JLN સ્ટેડિયમ, સિરી ફોર્ટ, અરબિંદો માર્ગ અને દિલશાદ ગાર્ડન જેવા કેટલાક સ્ટેશનો સિવાય લગભગ તમામ સ્ટેશનો પર એર ક્વોલિટી ઈન્ડેક્સ (AQI) ‘ગંભીર’ શ્રેણીમાં નોંધાયો છે.

#WATCH | Delhi air quality continues to remain in the 'severe' category as per the Central Pollution Control Board.

(Visuals from Anand Vihar, shot at 6:18 a.m.) pic.twitter.com/KxrExoTLvr

— ANI (@ANI) November 8, 2023

બે દિવસ ગંભીર શ્રેણીમાં રહેશે પ્રદૂષણ

સેન્ટ્રલ પોલ્યુશન કંટ્રોલ બોર્ડ (CPCB)ના આંકડા અનુસાર, દિલ્હીમાં હવાની ગુણવત્તા ‘ગંભીર’ શ્રેણીમાં છે. હવામાનની આગાહી કરતી એજન્સી સ્કાયમેટ અનુસાર, દિલ્હી-એનસીઆરનો એર ક્વોલિટી ઈન્ડેક્સ આગામી 2 દિવસ સુધી ગંભીર શ્રેણીમાં રહેશે. જોકે, તે પછી ઉત્તર-પશ્ચિમ તરફથી આવતા પવનોની ઝડપ વધશે જેનાથી હવાના પ્રદૂષણમાં થોડી રાહત મળવાની આશા છે.