Air India એક્સપ્રેસ પ્લેનમાં 179 મુસાફરોએ હવામાં જ કર્યાં 'મોતના દર્શન', એક સેકન્ડ મોડું થાત તો બળીને ભડથું થઈ જાત

179 મુસાફરો પ્લેનમાં હતા સવાર

આ વચ્ચે મુસાફરો અને ક્રૂ મેમ્બર્સને પ્લેનમાંથી ઉતારીને સલામત સ્થળે લઈ જવામાં આવ્યા હતા. પ્લેનમાં 179 યાત્રીઓ અને 6 ક્રૂ મેમ્બર હતા, જેઓ સુરક્ષિત છે. ફ્લાઇટ IX 1132એ કોચી માટે ઉડાન ભરી હતી. આ દુર્ઘટના રાત્રે 11.15 વાગ્યાની આસપાસ સર્જાઈ હતી. બેંગલુરુ ઈન્ટરનેશનલ એરપોર્ટ લિમિટેડના પ્રવક્તાએ ઘટનાની પુષ્ટિ કરી અને કહ્યું કે સ્થિતિ નિયંત્રણમાં છે. તમામ મુસાફરો અને ક્રૂ મેમ્બર સુરક્ષિત છે. ખતરાની કોઈ વાત નથી.

Karnataka: On May 18, 2024, an Air India Express flight from Bengaluru to Kochi made an emergency landing at BLR Airport at 23:12 hrs, due to a reported fire in one of the engines. A full-scale emergency was declared, and the fire was promptly extinguished upon landing. All 179…

— ANI (@ANI) May 19, 2024

દુર્ઘટનાની તપાસનો આદેશ

એર ઈન્ડિયા એક્સપ્રેસના પ્રવક્તાએ જણાવ્યું કે ફ્લાઈટ ટેકઓફ થતાં જ પ્લેનના એન્જિનમાં આગ લાગી ગઈ હતી. જ્યારે જાણ થઈ ત્યારે પાઈલટ એક્શન મોડમાં આવ્યા. તેમણે તરત જ એરપોર્ટ ઓથોરિટીને જાણકારી આપી. તાત્કાલિક ઈમરજન્સી લેન્ડિંગની વ્યવસ્થા કરવામાં આવી હતી. એમ્બ્યુલન્સ, ફાયર બ્રિગેડ અને એરપોર્ટ સ્ટાફ લેન્ડિંગ પહેલા રનવે પર પહોંચી ગયો હતો. લેન્ડિંગ થતાંની સાથે જ ફાયર બ્રિગેડે આગ ઓલવવાનું શરૂ કર્યું હતું.

મુસાફરોને બીજી ફ્લાઈટમાં મોકલવામાં આવ્યા

આગ પ્લેનના એન્જિનની જમણી બાજુએ લાગી હતી. જોકે, એન્જિનમાં અચાનક આગ લાગવાનું કારણ હજુ સુધી બહાર આવ્યું નથી, પરંતુ અકસ્માતની ઝીણવટભરી તપાસના આદેશ આપવામાં આવ્યા છે. મુસાફરોને બીજી ફ્લાઈટમાં કોચી મોકલવામાં આવ્યા છે.