અમદાવાદઃ જાહેરમાં ઉઠક-બેઠક, સિંધુ ભવન રોડને બાનમાં લઈ જોખમી દિવાળી મનાવનારા શખ્સોની થઈ આ હાલત, Video

જાણો કોણ કોણ પકડાયું
દિવાળીના દિવસે ગુજરાતના અમદાવાદ શહેરમાં આવેલા સિંધુભવન રોડ પર સ્ટંટ બાજી કરનારા શખ્સોને સ્ટંટબાજી ભારે પડી ગઈ હતી. સોશિયલ મીડિયા પર આ ઘટનાનો વીડિયો વાયરલ થયો અને તે અંગે અમદાવાદ પોલીસે એક્શન મોડમાં આવી ગઈ. પોલીસે આ મામલામાં સમીર શેખ, સાહીલ કુરેશી. અસદ મેમણ, હર્ષદ ગારંભા, આસિફ શેખ, બિલાલ શેખ, અદનાન મંસુરી અને હિતેશ ઠાકોર નામના શખ્સોની ધરપકડ કરી છે. પકડાયેલા શખ્સો સામે પોલીસે કેસ દાખલ કર્યો હોઈ હવે તેમની દિવાળી કોર્ટ કચેરીના ધક્કા વચ્ચે વ્યતિત થશે તે પાક્કું છે.

#Ahmedabad માં દિવાળીમાં સિંધુભવન રોડ પર સ્ટંટ કરનારા શખ્સોને પોલીસે જાહેરમાં ઉઠક બેઠક કરાવી અને તે પણ તે જ જગ્યાએ જ્યાં સ્ટંટ કર્યા હતા#GujaratPolice #SindhuBhavanRoadStunt #Diwali #GujaratTak pic.twitter.com/RwMSiAC572

— Gujarat Tak (@GujaratTak) October 26, 2022

જ્યાં સ્ટંટ કર્યા ત્યાં જ ઉઠક-બેઠક
આ મામલામાં પોલીસે જે શખ્સોને પકડ્યા હતા તેમને જાહેરમાં કાન પકડાવીને ઉઠક બેઠક કરાવી હતી અને તે પણ એ જ જગ્યાએ જ્યાં તેમણે સ્ટંટ કર્યા હતા. પોલીસે આવું તેમની સાથે સાથે અન્ય સ્ટંટબાજોને પણ પાઠ મળે તે માટે કર્યું હોવાનું જાણવા મળી રહ્યું છે. પોલીસ હવે આ ઘટનામાં વધુ કાર્યવાહી હાથ ધરશે.