Rahul Gandhi ની ન્યાય યાત્રામાં અહેમદ પટેલ પરિવારની સૂચક ગેરહાજરી

Bharuch News : ગુજરાતમાં એક તરફ કોંગ્રેસના નાના કાર્યકરોથી માંડીને દિગ્ગજ નેતાઓ પક્ષનો સાથ છોડી રહ્યા છે. બીજી તરફ રાહુલ ગાંધી દ્વારા ન્યાય યાત્રા લોકો સુધી પહોંચી રહી છે. રાહુલ ગાંધી ગુજરાતના આદિવાસી બેલ્ટ સુધી પહોંચ બનાવવા માટે પ્રયાસો કરી રહ્યા છે. આ રીતે ન્યાય યાત્રા સાથે કોંગ્રેસ નેતા રાહુલ ગાંધી ભરૂચ પહોંચ્યા હતા. તેમનું સ્વાગત કરવા માટે AAP ના ધારાસભ્ય ચૈતર વસાવા પણ પહોંચ્યા હતા. જો કે ગાંધી પરિવારના ખુબ જ નજીકના અહેમદ પટેલની દિકરી મુમતાઝ પટેલ અને અહેમદ પટેલના પુત્રની ગેરહાજરી ઉડીને આંખે વળગે તેવી હતી.