લો બોલો! ઓપરેશન બાદ ટાંકા લગાવવાને બદલે ડોક્ટરે ફેવીક્વિક લગાવી દીધી

ખાનગી હોસ્પિટલની ગંભીર બેદરકારી બહાર આવી
મળતી માહિતી મુજબ જોગુલાંબા ગડવાલા જિલ્લાના આઈઝા ખાતેની એક ખાનગી હોસ્પિટલના મેડિકલ સ્ટાફે ઇજાગ્રસ્ત છોકરાને ટાંકાનાં બદલે ફેવીક્વિક લગાવીને સારવાર આપી હતી. છોકરો પડી જવાથી ઘાયલ થયો હતો. કર્ણાટકના રાયચુર જિલ્લાના લિંગોગુરનો રહેવાસી વંશકૃષ્ણ તેની પત્ની સુનીતા અને પુત્ર પ્રવીણ સાથે તેલંગાણામાં રહેતા સંબંધીઓના લગ્ન સમારોહમાં હાજરી આપવા આવ્યા હતા. કાર્યક્રમ દરમિયાન રમતા રમતા પ્રવીણ નીચે પડી ગયો હતો.

ટાંકાને બદલે ફેવિકવિકનો ઉપયોગ થતો હતો
તેને ડાબી આંખના ઉપરના ભાગમાં ઈજા થઈ હોવાથી તેને સ્થાનિક ખાનગી હોસ્પિટલમાં લઈ જવામાં આવ્યો હતો. તેનો ઘા ઊંડો હતો. ઘાને ટાંકા લગાવવાને બદલે તબીબી કર્મચારીઓએ ફેવીક્વિક લગાવી દીધું હતું. જ્યારે તેના પિતાને આ વાતની જાણ થઈ તો તેણે હોસ્પિટલ પ્રશાસનને આ અંગે ફરિયાદ કરી. બાદમાં આરોપી મેડિકલ સ્ટાફની ઓળખ કરવામાં આવી હતી અને તેમની સામે કાર્યવાહી કરવામાં આવી હતી. આ અંગે વંશકૃષ્ણએ આઈજા પોલીસ સ્ટેશનમાં ફરિયાદ કરી છે. આ મામલો શુક્રવારે ટોક ઓફ ધ ટાઉન બન્યો હતો. પોલીસે જણાવ્યું કે, ઘટનાની તપાસ કરવામાં આવી રહી છે. આ ઘટનાથી પીડિતાના પરિવારજનોમાં અરેરાટી ફેલાઈ ગઈ છે. તેઓ કહે છે કે આ બાળક માટે જોખમી બની શકે છે.