રશ્મિકા મંદાના અને કાજોલ બાદ હવે આલિયા ભટ્ટ બની ‘ડીપફેક’નો શિકાર, વીડિયો વાયરલ

Alia Bhatt Deepfake Video: આ દિવસોમાં ડીપફેક વીડિયો ઝડપથી વાયરલ થઈ રહ્યા છે, ખાસ કરીને મોટા સેલેબ્સના. ઘણા સ્ટાર્સ આનો શિકાર બની ચૂક્યા છે અને હવે આ લિસ્ટમાં આલિયા ભટ્ટનું નવું નામ ઉમેરાયું છે. આલિયા બોલિવૂડની ટોપ એક્ટ્રેસમાંથી એક છે અને તેની સાથે આવું થવું એ મોટી વાત છે. ઈન્ટરનેટ પર વાયરલ થઈ રહેલા નવા ડીપફેક વીડિયોમાં એક યુવતી છે, જે બી-ટાઉન સ્ટાર આલિયા ભટ્ટ જેવી દેખાઈ રહી છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. સોશિયલ મીડિયા પર ડીપફેક વીડિયો વાયરલ થતાં લોકોમાં પણ ચિંતા વધી ગઈ છે.