સતીશ કૌશિક પંચમહાભુતમાં વિલિન, અનુપમ ખેર સહિતના મિત્રો ચોધાર આંસુએ રડી પડ્યા

આવતીકાલે હસતા રમતા અભિનેતાનું અચાનક મોત
કોને ખબર હતી કે, અભિનેતા આ રીતે અલવિદા કહી દેશે. તેની પત્ની અને 11 વર્ષની પુત્રીને સૌથી વધુ નુકસાન થયું છે. બંનેને મેનેજ કરવું મુશ્કેલ બની રહ્યું છે. સતીશ કૌશિકનો મૃતદેહ અંતિમ સંસ્કાર માટે વર્સોવા સ્મશાનગૃહ પહોંચ્યો હતો. દિવંગત અભિનેતા પંચતત્વમાં વિલિન થયા છે. અનુપમ ખેરનો એક વીડિયો સામે આવ્યો છે, જેમાં અભિનેતા તેના મિત્રને વિદાય આપતી વખતે રડતો જોવા મળે છે. ભાવુક અનુપમ ખેર, સાતિશ કૌશિકનું પાર્થિવ દેહ અંતિમ સંસ્કાર માટે વર્સોવા સ્મશાનગૃહમાં પહોંચી રહ્યું છે. એમ્બ્યુલન્સમાં અનુપમ ખેર પણ હાજર છે. જેમાં સતીશને અંતિમ વિદાય આપવા લઈ જવામાં આવી રહ્યા છે.

અનુપમ ખેર સહિતના નજીકના મિત્રો ચોધાર આંસુએ રડી પડ્યા
અભિનેતાનો એક વીડિયો સામે આવ્યો છે. જેમાં અનુપમ રડતા જોવા મળે છે. સતીશ અને અનુપમની મિત્રતા 45 વર્ષ જૂની હતી.સલમાન ખાન પણ સતીશ કૌશિકને વિદાય આપવા તેમના ઘરે પહોંચ્યો હતો. આ સિવાય શિલ્પા શેટ્ટી, વિકી કૌશલના પિતા રવિ કિશન પણ સતીશ કૌશિકના ઘરે અંતિમ દર્શન કરવા પહોંચ્યા હતા. સતીશ કૌશિકનો મૃતદેહ દિલ્હીથી મુંબઈ પહોંચ્યો છે. ફૂલોથી શણગારેલી એમ્બ્યુલન્સ સતીશ કૌશિકના મૃતદેહને લઈને તેમના ઘરે પહોંચી છે. ફિલ્મ ઈન્ડસ્ટ્રીના ઘણા દિગ્ગજ સ્ટાર્સ ઘરે પહોંચી ચૂક્યા છે. સતીશ કૌશિકના અંતિમ સંસ્કાર 9 માર્ચની સાંજે વર્સોવાના સ્મશાન ભૂમિમાં કરવામાં આવ્યો હતો.

સતીશ કૌશિકનું મોત કેવી રીતે થયું?
8 માર્ચે સતીશ કૌશિક હોળી રમવા માટે દિલ્હી આવ્યા હતા. દિલ્હીના બિજવાસનમાં તેના ફાર્મહાઉસમાં પરિવાર અને મિત્રો સાથે હોળી રમ્યા બાદ તે પોતાના રૂમમાં પાછા ફર્યા હતા. 9 માર્ચના રોજ સવારે 12.10 વાગ્યે તેને બેચેની થવા લાગી. તેણે તેના મેનેજરને શ્વાસ લેવામાં તકલીફની ફરિયાદ કરી હતી. આ પછી તેને તરત જ ફોર્ટિસ હોસ્પિટલમાં લઈ જવામાં આવ્યા હતા. ત્યાંના તબીબોએ સતીશ કૌશિકને મૃત જાહેર કર્યા હતા. હોસ્પિટલ પહોંચતા પહેલા જ અભિનેતાનું મોત નિપજ્યું હતું. સતીશ કૌશિકની અંતિમ ઝલક માટે તેમના ઘરે સેલેબ્સનો જમાવડો થયો હતો. સૂત્રોના જણાવ્યા અનુસાર સતીશ કૌશિકના મૃત્યુનું કારણ કાર્ડિયાક અરેસ્ટ જણાવવામાં આવ્યું છે. જોકે પોલીસે તપાસ શરૂ કરી હતી. પ્રારંભિક તપાસમાં જાણવા મળ્યું કે, અભિનેતાના શરીર પર કોઈ ઈજાના નિશાન નથી. સતીશ કૌશિકનું પોસ્ટમોર્ટમ દિલ્હીના હરિનગર સ્થિત દીન દયાલ હોસ્પિટલમાં કરવામાં આવ્યું હતું. સતીશ કૌશિકનો મૃતદેહ એર એમ્બ્યુલન્સ મારફતે મુંબઈ પહોંચ્યો હતો.