કોંગ્રેસના નેતા લલિત વસોયાએ કેમ કાર્યકર્તાઓની મીટિંગ બોલાવી! જાણો શું લીધો નિર્ણય

કોંગ્રેસ કાર્યકરોની સાથે કરી મીટિંગ…
મીડિયાના અહેવાલો પ્રમાણે લલિત વસોયાએ ધોરાજી-ઉપલેટાનાં કોંગ્રેસ કાર્યકર્તાઓ સાથે બેઠક કરી હતી. તેમણે ભાજપની નીતિઓ વિશે ચર્ચા કરી હતી તથા તેમની સામે કઈ રણનીતિથી કામ કરાય એવું જણાવ્યું હતું. એટલું જ નહીં વસોયાએ સ્થાનિકોના પ્રશ્નોના નિરાકરણનો રોડ મેપ પણ કાર્યકર્તાઓને જણાવ્યો હતો.

કોંગ્રેસ મજબૂત રહે એ માટે…
મીડિયા રિપોર્ટ્સ પ્રમાણે લલિત વસોયાએ સ્થાનિકોના પ્રશ્નોના નિરાકરણ માટે સતત પ્રયાસો કરવા જણાવ્યું હતું. એટલું જ નહીં તમામ ગામડાઓ અને લોકોને આવરી લેવા માટે મજબૂત સંગઠનની રચના કરવા પર પણ ટકોર કરી હતી. બીજી બાજુ કોંગ્રેસ કેવી રીતે મજબૂતીથી લોકોની સમક્ષ હાજર થશે એ અંગે પણ ચર્ચા કરી હોવાના અહેવાલો મળી રહ્યા છે.

લલિત વસોયાની કારમી હાર…
ગુજરાતમાં વિધાનસભા ચૂંટણી 2022માં ધોરાજી-ઉપલેટા બેઠક પરથી ભાજપના મહેન્દ્ર પાલડિયાએ જીત નોંધાવી છે. જ્યારે કોંગ્રેસના ઉમેદવાર વસોયાને કારમી હારનો સ્વાદ ચાખવો પડ્યો હતો. નોંધનીય છે કે શરૂઆતની મત ગણતરીથી જ જોવા જઈએ તો મોટાભાગે ભાજપના ઉમેદવાર અહીંથી આગળ ચાલી રહ્યા હતા. આ દરમિયાન ભાજપના મહેન્દ્ર પાલડિયાએ જીત નોંધાવી દીધી હતી.