વોટ્સએપે ભારતનું શું કર્યું કે તેને બધાની સામે માફી માંગવી પડી? કેન્દ્રીય આઇટી મંત્રીએ આપી હતી ચેતવણી

વોટ્સએપ દ્વારા જે ગ્રાફિટ ટ્વિટ કરવામાં આવ્યો હતો તેમાં વિશ્વમાં ભારતને દર્શાવતા સમયે સેટેલાઇટ ઇમેજમાં પાકિસ્તાનના કબજા હેઠળના કાશ્મીર અને ચીન દ્વારા દાવા કરાયેલા કેટલાંક ભારતીય વિસ્તારને કાપી નાંખવામાં આવ્યો હતો. વોટ્સઅપના આ ગ્રાફિક્સ અંગે પ્રતિક્રિયા આપતા ભારતના કેન્દ્રીય આઇટી મંત્રી ચંદ્રશેખરે એક ટ્વીટમાં કહ્યું કે જે પણ ઓનલાઇન પ્લેટફોર્મ ભારતમાં તેમનો બિઝનેસ ચલાવવા માંગે છે અથવા તેમનો બિઝનેસ વધુ આગળ ચલાવવા ઇચ્છે છે, જો તેમણે આવી ભૂલો કરવાથી બચવું જોઇએ અને હંમેશા ભારતના સાચા નકશાનો ઉપયોગ કરો.

વોટ્સએપે કર્યું આ કામ 
વોટ્સએપે ખોટો નકશો શેર કર્યો છે, જેના પર કેન્દ્રીય આઈટી મંત્રી રાજીવ ચંદ્રશેખરે વોટ્સએપને ચેતવણી આપી છે. વાસ્તવમાં વોટ્સએપે આ લાઈવ સ્ટ્રીમના ટ્વીટમાં ભારતનો ખોટો નકશો બતાવ્યો હતો. વોટ્સએપ દ્વારા શેર કરવામાં આવેલા ગ્રાફિક્સ મેપમાં પીઓકે અને ચીનના દાવાના કેટલાક હિસ્સાને ભારતથી અલગ બતાવવામાં આવ્યા હતા.

જાણો શું કહ્યું રાજીવ ચંદ્રશેખરે
વોટ્સએપને ટેગ કરીને કેન્દ્રીય મંત્રી રાજીવ ચંદ્રશેખરે ટ્વીટ કર્યું, “ભારતમાં કામ કરતા અથવા કામ કરવા માંગતા તમામ પ્લેટફોર્મે ભારતના સાચા નકશાનો ઉપયોગ કરવો જોઈએ.” તેણે મેટા, જે વોટ્સએપની માલિકી ધરાવે છે અને ફેસબુક અને ઇન્સ્ટાગ્રામને પણ ટેગ કર્યા છે. રાજીવ ચંદ્રશેખરે લગભગ 4 વાગ્યાની આસપાસ વોટ્સએપનું આ ટ્વીટ જોયું અને તેને ચેતવણી આપી.

Dear @WhatsApp – Rqst that u pls fix the India map error asap.

All platforms that do business in India and/or want to continue to do business in India , must use correct maps. @GoI_MeitY @metaindia https://t.co/aGnblNDctK

— Rajeev Chandrasekhar ?? (@Rajeev_GoI) December 31, 2022

જો કે, સમાચાર લખવાના સમયે, વોટ્સએપે તેની ટ્વીટ હટાવી દીધી છે. કૃપા કરીને જણાવો કે ભારતના ખોટા નકશાનો ઉપયોગ કંપની પર બોજ બની શકે છે. આ મામલે કંપની પર પોલીસ કેસ પણ થઈ શકે છે. કેન્દ્રીય મંત્રીના ટ્વીટના જવાબમાં વોટ્સએપે લખ્યું, ‘અમારી ભૂલ તરફ ધ્યાન દોરવા બદલ આભાર. અમે આ સ્ટ્રીમિંગ દૂર કર્યું છે અને ભૂલ માટે માફી માંગીએ છીએ. ભવિષ્યમાં અમે તેનું ધ્યાન રાખીશું.

Thank you Minister for pointing out the unintended error; we have promptly removed the stream, apologies. We will be mindful in the future.

— WhatsApp (@WhatsApp) December 31, 2022

 ઝૂમને પણ આપી હતી નોટિસ
રાજીવ ચંદ્રશેખરે થોડા દિવસો પહેલા વીડિયો કોલિંગ પ્લેટફોર્મ ઝૂમને અલ્ટીમેટમ આપ્યું હતું. તેમણે ઝૂમના સ્થાપક અને સીઈઓ એરિક યુઆનને કહ્યું કે તેઓ ઓછામાં ઓછા તે દેશોના સાચા નકશાનો ઉપયોગ કરે કે જ્યાં તેઓ વેપાર કરતા હતા અથવા જ્યાં તેઓ ભવિષ્યમાં વ્યવસાય કરવા માગે છે. ચંદ્રશેખરની ચેતવણી પર ઝૂમના સીઈઓએ તરત જ દેશનો ખોટો નકશો દર્શાવતી ટ્વીટ ડિલીટ કરી દીધી.