વિશ્વવિખ્યાત આર્કિટેક્ટ બી.વી દોશીનું 95 વર્ષની વયે નિધન, PM મોદીએ ટ્વીટ કરીને શોક વ્યક્ત કર્યો

Dr. BV Doshi Ji was a brilliant architect and a remarkable institution builder. The coming generations will get glimpses of his greatness by admiring his rich work across India. His passing away is saddening. Condolences to his family and admirers. Om Shanti. pic.twitter.com/LLdrZOCcQZ

— Narendra Modi (@narendramodi) January 24, 2023

100થી વધુ બિલ્ડીંગની ડિઝાઈન બનાવી હતી
આર્કિટેકની દુનિયામાં તેઓ ખૂબ જાણીતું નામ હતા. બી.વી દોશીએ 20મી સદીના બે જાણીતા આર્કિટેક લે કોર્બ્યુઝિયર અને લુઈસ કાહ્ન સાથે પણ કામ કરેલું છે અને IIM બેંગ્લોર, IIM ઉદેપુર, નેશનલ ઈન્સ્ટીટ્યૂટ ઓફ ફેશન ટેકનોલોજી નવી દિલ્હી સહિત 100થી વધુ બિલ્ડીંગની ડિઝાઈન બનાવેલી છે. અમદાવાદમાં બી.વી દોશીના જાણીતી ઈમારતોની ડિઝાઈન તૈયાર કરી હતી. જેમાં સેપ્ટ યુનિવર્સિટી, અમદાવાદની ગુફા, પ્રેમાભાઈ હોલ, ટાગોર મેમોરિયલ હોલ તથા IIM અમદાવાદની ડિઝાઈનમાં પણ તેમનું યોગદાન હતું.

સ્થાપત્ય જગતના ધ્રુવતારા સમાન વિશ્વવિખ્યાત આર્કિટેક્ટ, પ્રિટ્ઝકર પ્રાઈઝ વિજેતા, ‘પદ્મભૂષણ’ બાલકૃષ્ણ દોશીજીના નિધન પર દુ:ખની લાગણી વ્યક્ત કરું છું. ઈશ્વર તેમના આત્માને શાંતિ આપે અને તેમના સ્વજનો, અસંખ્ય ચાહકો અને શિષ્યોને આ આઘાત સહન કરવાની શક્તિ આપે તેવી પ્રાર્થના.
ॐ શાંતિ.

— Bhupendra Patel (@Bhupendrapbjp) January 24, 2023

2018માં પ્રિત્ઝકર પ્રાઈઝથી સન્માનિત કરાયા
બી.વી દોશીને પદ્મશ્રી અને પદ્મ ભૂષણથી સન્માનિત કરવામાં આવ્યા હતા. 2022માં જ તેમને રોયલ ઈન્સ્ટિટ્યૂટ ઓફ બ્રિટિશ આર્કિટેક્ટનો રોયલ ગોલ્ડ મેડલ અપાયો હતો. જ્યારે 2018માં તેમને પ્રિત્ઝકર પ્રાઈઝ પુરસ્કાર એનાયત કરવામાં આવ્યો હતો, જે આર્કિટેક્ચરના ક્ષેત્રમાં નોબલ પ્રાઈઝ જેટલું મહત્વ ધરાવે છે.