Weather: મેઘરાજા આજે ફરીથી તોફાની બેટિંગ કરી શકે છે, દ.ગુજરાતમાં ધોધમાર વરસાદની આગાહી

જિલ્લામાં વરસાદ પડવાની સંભાવના
હવામાન વિભાગની આગાહી પ્રમાણે ગુજરાત રાજ્યમાં ઘણા જિલ્લાઓમાં વરસાદ પડી શકે છે. તેવામાં ચોમાસુ વિદાય લે એની પહેલા દક્ષિણ ગુજરાતના ઘણા વિસ્તારોમાં હળવાથી મધ્યમ વરસાદ પડવાની સંભાવના જોવા મળી રહી છે. ઉલ્લેખનીય છે કે ડાંગ, તાપી, સુરત, નવસારી, વલસાડ અને દમણમાં ભારે વરસાદ પડી શકે છે. બીજી બાજુ જોવા જઈએ તો કચ્છમાં ચોમાસુ વિદાય લેવાની શરૂઆત થઈ ગઈ છે જ્યારે આગામી 2 દિવસ સુધી દ.ગુજરાતમાં વરસાદી વાતાવરણ રહી શકે છે.

નવરાત્રીમાં સામાન્ય વરસાદ પડી શકે છે…
ઉત્તર ગુજરાતમાં જોવા જઈએ તો હવામાન વિભાગની આગાહી પ્રમાણે મેઘરાજાએ વિદાય લેવાની તૈયારી કરી લીધી છે. તેવામાં નવરાત્રી દરમિયાન અહીં સંભવિત હળવો વરસાદ નોંધાઈ શકે છે. પરંતુ દક્ષિણ ગુજરાતમાં તો બંગાળની ખાડીમાં સર્જાયેલા પ્રેશરના કારણે આગામી 2 દિવસ સુધી હળવોથી મધ્યમ વરસાદ નોંધાઈ શકે છે.