હવામાન નિષ્ણાંત અંબાલાલ પટેલની મોટી આગાહી, આવતી કાલે અહીં પડી શકે છે માવઠું

એક તરફ રાજ્યમાં ઠંડીએ જોર પકડયું છે. ત્યારે આ દરમિયાન હવામાન નિષ્ણાંત અંબાલાલે ઠંડી અને કમિસમી વરસાદને લઈ આગાહી કરી છે. 3  દિવસ કાતિલ ઠંડીથી મળી શકે આંશિક રાહત થશે.  29 તારીખ સુધી ઠંડીમાં ઘટાડો થશે અને રાજ્યના ઘણા વિસ્તારોમાં તાપમાન વધશે. ત્યારે અમદાવાદમાં 17થી 18 ડિગ્રી  તાપમાન રહી શકે છે.

ફેબ્રુઆરીમાં કડકડતી ઠંડી પડશે 
ગુજરાતમાં છેલ્લાં કેટલાંક દિવસોથી સતત ઠંડીનું જોર વધી રહ્યું છે. સખત ઠંડીને કારણે એક તરફ લોકો ઠુઠવાઈ રહ્યાં છે. ત્યારે ફેબ્રુઆરીમાં પણ કડકડતી ઠંડી પડવાની આગાહી. ફેબ્રુઆરીના બીજા સપ્તાહે બર્ફીલી ઠંડી પડશે તેવી હવામાન નિષ્ણાંત અંબાલાલ પટેલે આગાહી કરી છે.

આ પણ વાંચો: સુરેન્દ્રનગરમાં કલેક્ટર કચેરીમાં જ સસ્તા અનાજ એસોસિએશનના પ્રમુખે કેરોસીન છાંટ્યું, પોલીસે કરી અટકાયત

આવતી કાલે પડી શકે છે માવઠું 
આવતીકાલે ઉત્તર ગુજરાતમાં માવઠું થવાની શક્યતા છે. સાબરકાંઠા,બનાસકાંઠા, અરવલ્લીમાં કમોસમી વરસાદની આગાહી કરવામાં આવી છે.. 28-29-30 તારીખે ઘણી જગ્યાએ માવઠું થઈ શકે છે. પંચમહાલ, વડોદરા, ભરૂચમાં માવઠું થઈ શકે છે ત્યારે અમદાવાદના કેટલાક વિસ્તારોમાં છાંટા પાડવાની શક્યતા છે.  દક્ષિણ ગુજરાતના હવામાનમાં પલટો આવવાની સંભાવના છે. ત્યારે  ફેબ્રુ.ના બીજા સપ્તાહમાં પણ માવઠું પડી શકે છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…