વડોદરા કોમી છમકલું: પહેલા સ્ટ્રીટ લાઈટ બંધ કરી પછી પેટ્રોલ બોમ્બ ફેંક્યા, શું તોફાન અગાઉથી પ્લાન હતું?

સ્ટ્રીટ લાઈટ બંધ કરીને પેટ્રોલ બોમ્બ ફેંકાયા
પોલીસ અધિકારીના જણાવ્યા મુજબ, આ કોમી છમકલું અગાઉથી પ્લાન કરેલ હતું. સ્ટ્રીટ લાઈટને બંધ કરવામાં આવી, પેટ્રોલ બોમ્બ ફેંકવામાં આવ્યા જે દર્શાવે છે કે આ તોફાનો પહેલાથી જ પ્લાન કરેલા હતા. જ્યારે ભાજપના ધારાસભ્ય રાજેન્દ્ર ત્રિવેદીએ પણ કહ્યું કે, તોફાનો પહેલાથી પ્લાન કરેલા હોય તેમ લાગી રહ્યું છે.

ચાર મહિનામાં 3 વખત તોફાનો થયા
આ સમગ્ર મામલાની તપાસ માટે વડોદરા પોલીસે સ્પેશ્યલ તપાસ ટીમ બનાવી છે. ઘટના દિવાળીની રાત્રે 12.30 વાગ્યે પાણીગેટ વિસ્તારમાં બની હતી. આ વિસ્તારમાં તોફાનની આ પહેલી ઘટના નથી. ધારાસભ્ય રાજેન્દ્ર ત્રિવેદીના જણાવ્યા અનુસાર આ વિસ્તાર ખૂબ જ સંવેદનશીલ છે. છેલ્લા ચાર મહિનામાં જ આ વિસ્તારમાં તોફાનોની 3 જેટલી ઘટના બની ચૂકી છે.

વડોદરાના પાણીગેટ વિસ્તારમાં દિવાળીની રાત્રે બે જૂથો વચ્ચે નજીવી બાબતે વિવાદ થયો હતો. એવામાં બંને જૂથો સામ સામે આવી હતા ભારે પથ્થરમારો કરીને તોડફોડ કરી હતી. ઘટના વણતસી અટકાવવા માટે પહોંચેલા પોલીસના કાફલા પર પણ તોફાનીઓએ પેટ્રોલ બોમ્બ ફેંક્યો હતો.#Vadodara #GujaratPolice pic.twitter.com/RTSoEhuFRL

— Gujarat Tak (@GujaratTak) October 25, 2022

DCP પર પેટ્રોલ બોમ્બ ફેંકાયો
પોલીસ અધિકારીના જણાવ્યા મુજબ, બે સમુદાયો વચ્ચે ફટાકડા ફોડવાનો લઈને તકરાર થઈ હતી. અને એટલામાં જ એક ગ્રુપે દુકાનોમાં તોડફોડ શરૂ કરી દીધી. તોફાનીઓ દ્વારા કેટલીક કારને પણ નુકસાન પહોંચાડવામાં આવ્યું હતું. ઘણા વાહનોમાં આગચંપી કરી દેવાઈ હતી. પોલીસ સ્થળ પર પહોંચતા તોફાનીઓએ તેમના પર પણ પેટ્રોલ બોમ્બ ફેંક્યો હતો. જેમાં સ્થાનિક DCP પર પેટ્રોલ બોમ્બ ફેંકાયો હતો અને તેઓ માંડ માંડ બચ્યા હતા.

(ફોટો-વીડિયો સૌજન્ય: દિગ્વિજય પાઠક)