વડોદરામાં વિશ્વામિત્રી નદી પર ભંગારમાંથી બનાવેલો જોખમી બ્રિજ તોડવા પહોંચ્યું તંત્ર, લોકોનો ભારે હોબાળો

સ્થાનિકોએ બનાવેલો બ્રિજ તોડવા પહોંચ્યું તંત્ર
વડોદરાના નાગરવાડામાં વિશ્વામિત્રી નદી પર કૃષ્ણનગરના રહીશોએ આવજા કરવા માટે નદીના નાળા પર ભંગાર વસ્તુઓમાંથી કામચલાઉ સાંકડો બ્રિજ બનાવેલો છે. મીડિયામાં આ બ્રિજના અહેવાલો આવ્યા બાદ અધિકારીઓની નજર તેના પર પડી હતી અને આજે અધિકારીઓ ત્યાં પહોંચ્યા હતા. બ્રિજને તોડવાની કામગીરી શરૂ કરાતા જ સ્થાનિક લોકોએ ભારે હોબાળો કર્યો હતો. જોકે સ્થાનિકોના વિરોધ વચ્ચે પણ અધિકારીઓએ બ્રિજને તોડી પાડ્યો હતો.

મોરબીની ઘટના બાદ વડોદરા પાલિકા એક્શન મોડમાં: પોલીસ બંદોબસ્ત વચ્ચે નાગરવાડામાં વિશ્વામિત્રી નદી પરનો બ્રિજ તોડવાની કામગીરી પાલિકાએ શરૂ કરી, સ્થાનિકોનો વિરોધ#MorbiBridgeCollapse #MorbiBridgeTragedy #Vadodara pic.twitter.com/wZGXkLlEbU

— Gujarat Tak (@GujaratTak) November 2, 2022

લોકોએ થાંભલા, લોખંડની પાઈપોમાંથી બ્રિજ બનાવ્યો હતો
નોંધનીય છે કે આ બ્રિજને સરકાર કે કોર્પોરેશને નહીં પરંતુ સ્થાનિક લોકોએ જ મળીને ભંગાની વસ્તુઓમાંથી બનાવ્યો છે. જેમાં થાંભલા, લોખંડની પ્લેટો, લાકડાના પાટિયા વગેરેમાંથી બનાવેલો છે. ચોમાસામાં નદીમાં પાણી આવે ત્યારે બ્રિજ તૂટવાનો ભય રહેતો હોય છે, લોકોને પણ ખૂબ તકલીફ પડતી હોય છે. આ અંગે સ્થાનિકો દ્વારા અનેક રજૂઆતો કરાય છે, પરંતુ લોકોની સમસ્યાનું કોઈ નિરાકરણ આવતું નથી.