સ્મૃતિ ઈરાનીના રોડ શોમાં હોબાળો, BJP કાર્યકર્તા અને પોલીસ વચ્ચે ઘર્ષણ થતા….

ભાજપના કાર્યકર અને પોલીસ વચ્ચે ઘર્ષણ
નોંધનીય છે કે સ્મૃતિ ઈરાની પણ ગુજરાતમાં ભાજપના એક સ્ટાર પ્રચારક તરીકે કાર્યરત છે. તેવામાં આજે મોડાસા ખાતે ઈરાનીના રોડશોમાં હોબાળો થયો હતો. સૌથી પહેલા અહીં મોટી સંખ્યામાં લોકો અને ભાજપના કાર્યકર્તાઓ રોડશોમાં જોડાયા હતા. ત્યારે કાર્યકર્તા અને પોલીસ વચ્ચે બોલાચાલી થઈ હોવાની પ્રાથમિક માહિતી સામે આવી રહી છે.

અરવલ્લી: મોડસા ખાતે Smriti Irani ની રોડ શોમાં ભાજપના કાર્યકરો અને પોલીસ વચ્ચે ઘર્ષણ, ભાજપ કાર્યકરઓના વર્તનથી પોલીસ કર્મીઓ નારાજ#GujaratElections2022 #BJP #GujaratPolice pic.twitter.com/WBjmNoRBel

— Gujarat Tak (@GujaratTak) December 3, 2022

પોલીસ-કાર્યકર્તા વચ્ચે તૂ-તૂ-મેં-મેં..
ભાજપના કાર્યકર્તાને કોઈક કારણોને લઈને પોલીસ સાથે બોલવાનું થયું હતું. આ દરમિયાન બંને પક્ષો વચ્ચે દલિલ થતા મામલો બીચક્યો હતો. પોલીસ અને ભાજપના કાર્યકર્તા વચ્ચે ઘર્ષણ થતા આસપાસથી અન્ય કાર્યકર્તાઓ પણ ભેગા થઈ ગયા હતા. આ દરમિયાન અન્ય કાર્યકર્તાએ મામલો થાળે પાડ્યો હતો. જોકે પોલીસનું ગ્રુપ અને એ કાર્યકર્તા વચ્ચે તૂ-તૂ-મેં-મેં થતા વાતાવરણ ગરમાઈ ગયું હતું.

With Input: હિતેશ સુતરિયા