ગૌતમ અદાણી માટે એક સાથે બે સારા સમાચાર, બે મહિનાનો વિવાદ ઉકેલાયો

અદાણી ગ્રૂપે સોમવારે SBI મ્યુચ્યુઅલ ફંડના રૂ. 1,500 કરોડના લેણાંની ચુકવણી કરી હતી અને આગામી દિવસોમાં વધુ લોન ચૂકવવાનું વચન આપ્યું હતું. પીટીઆઈના જણાવ્યા અનુસાર, આગામી મહિને એટલે કે માર્ચ 2023માં, કંપની લોનની ચુકવણી યોજના મુજબ વધુ 1,000 કરોડ રૂપિયા ચૂકવશે. SBI લોનની ચૂકવણી અદાણી પોર્ટ્સ દ્વારા બિઝનેસ ઓપરેશન્સમાંથી મળેલી રકમમાંથી કરવામાં આવી છે.

કંપનીના પ્રવક્તાએ સોમવારે નિવેદન આપ્યું હતું. તેમાં લોનની ચુકવણી અંગેની માહિતી શેર કરવામાં આવી હતી. અદાણી ગ્રુપના આ પગલાને રોકાણકારોનો વિશ્વાસ જાળવી રાખવાના દૃષ્ટિકોણથી જોવામાં આવી રહ્યો છે. અદાણી ગ્રૂપ તેના રોકાણકારોમાં વિશ્વાસ પાછો લાવવા માટે સતત પ્રયાસ કરી રહ્યું છે. સપ્ટેમ્બર 2022માં અદાણી ગ્રુપ પર કુલ દેવું 2.26 લાખ કરોડ રૂપિયા હતું. જ્યારે તેની પાસે માત્ર 31,646 કરોડ રૂપિયા રોકડ હતા.

અદાણીનું માર્કેટ કેપ અડધું થઈ ગયું
‘હિંડનબર્ગ રિપોર્ટ જાહેરથયા બાદ અદાણી ગ્રુપ પર સમસ્યાઓનો પહાડ તૂટી પડ્યો હતો. 24 જાન્યુઆરી, 2023ના રોજ જાહેર કરાયેલા અહેવાલની રોકાણકારોના સેન્ટિમેન્ટ પર એટલી પ્રતિકૂળ અસર પડી કે ગ્રૂપની તમામ કંપનીઓના શેરમાં સુનામી આવી અને 20 દિવસમાં અદાણી ગ્રૂપનું માર્કેટ કેપ અડધું થઈ ગયું. એટલું જ નહીં, શેરોમાં આવેલી સુનામીને કારણે ગૌતમ અદાણીની નેટવર્થમાં થયેલા ઘટાડાને કારણે તેઓ અબજોપતિઓની યાદીમાં ચોથા સ્થાનેથી 25માં સ્થાને આવી ગયા છે.

હિમાચલથી અદાણી માટે સારા સમાચાર
હિંડનબર્ગના અહેવાલ બાદ અદાણી ગ્રુપ પર એક બાદ એક મુસીબત આવી રહી હતી. ત્યારે હવે અદાણી ગ્રુપ માટે સારા સમાચાર પણ આવ્યા છે. હિમાચલ પ્રદેશમાં 68 દિવસ બાદ અદાણી ગ્રુપ અને સિમેન્ટ ટ્રક ઓપરેટર્સ યુનિયન વચ્ચે ચાલી રહેલા વિવાદનો ઉકેલ આવ્યો છે. સોમવારે હિમાચલ પ્રદેશના મુખ્યમંત્રી સુખવિંદર સિંહ સુખુની અધ્યક્ષતામાં બંને પક્ષો વચ્ચે બેઠક યોજાઈ હતી . અને તેમાં નવા સામાન દરો નક્કી કરવામાં આવ્યા હતા. અહીંના અંબુજા અને ACC સિમેન્ટ પ્લાન્ટ્સ 16 ડિસેમ્બર, 2022 થી સામાન ચાર્જ અંગે મતભેદને કારણે બંધ કરવામાં આવ્યા હતા. હવે બંને પક્ષો વચ્ચે સમજૂતી થઈ ગઈ છે.

આ પણ વાંચો: ગૃહમંત્રી અમિત શાહના હાલ થશે ઇન્દિરા ગાંધી જેવા? ખાલિસ્તાન સમર્થક અમૃતપાલ સિંહે જાણો શું આપી ધમકી

હાલમાં વિસ્તરણ યોજનાઓ પર બ્રેક
અદાણી ગ્રુપે તેના રોકાણકારોનો વિશ્વાસ જાળવી રાખવાની વ્યૂહરચનાના ભાગરૂપે, અદાણી ગ્રુપ રોકડ બચાવવા માટે તમામ પગલાં લઈ રહ્યું છે. આ અંતર્ગત ગ્રુપની વિસ્તરણ યોજનાઓ પણ બ્રેક લગાવવામાં આવી છે. અદાણી પાવરનો ડીબી પાવર સાથે રૂ. 7000 કરોડનો સોદો અટકાવી દેવામાં આવ્યો હતો. તો સોમવારે વધુ એક મોટો નિર્ણય લેતા ગૌતમ અદાણીએ પીટીસી ઈન્ડિયા લિમિટેડમાં હિસ્સા માટે બિડિંગમાંથી પોતાને અલગ કરવાનો મોટો નિર્ણય લીધો છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…