ટ્વિટર પેઇડ સબસ્ક્રિપ્શન સર્વિસ ભારતમાં શરૂ, બ્લુ ટિક માટે દર મહિને રૂપિયા ચૂકવવા પડશે આટલા રૂપિયા

કંપનીએ હવે ભારતમાં પણ તેની પ્રીમિયમ સબસ્ક્રિપ્શન સેવા શરૂ કરી છે. ભારતીય યુઝર્સને ટ્વિટર બ્લુના તમામ ખાસ ફીચર્સનો લાભ પણ મળશે. કંપનીના જણાવ્યા અનુસાર, મોબાઇલ એટલે કે એન્ડ્રોઇડ અને iOS બંને માટે ટ્વિટર બ્લુ માટે દર મહિને 900 રૂપિયા અને વેબ યુઝર્સે 650 રૂપિયા પ્રતિ મહિને ચૂકવવા પડશે. તમને જણાવી દઈએ કે કંપનીના માલિક એલોન મસ્કે કંપનીને ખરીદ્યાના થોડા દિવસો બાદ જ પેઇડ સબસ્ક્રિપ્શન સર્વિસ લાવવાની જાહેરાત કરી હતી. ભારે ટીકાઓ બાદ પણ આ સેવા શરૂ કરવામાં આવી હતી.

મળશે આ સુવિધા
પેઇડ સબસ્ક્રિપ્શન લેનારા યુઝર્સને  એડિટ ટ્વીટ બટન, 1080p વિડિયો અપલોડ, રીડર મોડ અને બ્લુ ટિકની સુવિધા મળશે. તમને જણાવી દઈએ કે કંપનીએ તેની જૂની વેરિફિકેશન પ્રક્રિયામાં પણ ફેરફાર કર્યો છે.
આ પણ વાંચો: OBC કમિશન મામલે ઇસુદાન ગઢવીના ભાજપ પર પ્રહાર કહ્યું, સરકારની OBC વિરોધી માનસિકતા

જૂના બ્લુ ટિક એકાઉન્ટને લેવું પડશે સબસ્ક્રિપ્શન
જૂના બ્લુ ટિક એકાઉન્ટ ધારકોને તેમની બ્લુ ટિક જાળવી રાખવા માટે થોડા મહિનાનો ગ્રેસ પીરિયડ આપવામાં આવશે. એટલે કે, તેમણે તેમના એકાઉન્ટ પર બ્લુ ટિક જાળવવા માટે થોડા સમય પછી સબસ્ક્રિપ્શન પણ લેવું પડશે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…