અપક્ષ ઉમેદવાર પોતાના મુદ્દાથી નહીં મૂછોથી આવ્યો ચર્ચામાં! જાણો આ ચૂંટણીનો રસપ્રદ કિસ્સો….

જાણો મુછોના કારણે પ્રખ્યાત મગનભાઈ વિશે….
ગુજરાત વિધાનસભામાં ચૂંટણી લડવા નવા નવા આયોજન અને લોકોને કઈક અલગ આકર્ષવા માટે પ્રયત્નો કરવા માગતા હોય છે. આવું જ કઈક હિંમતનગરના પ્રચાર માટે અપક્ષનાં ઉમેદવાર મગનભાઈ પોતાની લાંબી મૂછોના કારણે લોકોમાં જાણીતા છે. મીડિયા રિપોર્ટ્સ પ્રમાણે તેમની મૂછો લગભગ 5 ફૂટ લાંબી છે. તેઓ જ્યા પ્રચારમાં જાય છે ત્યાં આ મૂછો બતાવી લોકોને આકર્ષિત કરે છે. તેમનું ચૂંટણી ચિહ્ન સફરજન છે.

મગનભાઈ સૈન્યમાં ફરજ બજાવી ચૂક્યા છે…
મગનભાઈ દેશની સેવા પણ કરી ચૂક્યા છે. તેઓ કાર્ગિલ યુદ્ધમાં લડ્યા હતા. મગનભાઈ દેશના વીર છે, જેઓ સૈન્યમાં નાયબ સૂબેદાર તરીકે ફરજ બજાવી ચૂક્યા છે. મગનભાઈ સોલંકી સૈન્યમાં કામગીરી બદલ 6 મેડલ મેળવી ચૂક્યા છે.

મગનભાઈ સોલંકીએ કહ્યું છે કે ખેડૂતોના દેવા માફ કરવા, બેરોજગારી, પાક વીમાનો પ્રશ્ન અને અસહ્ય મોંઘવારીથી ગરીબોની સ્થિતિ કફોડી બનતા તેઓ પ્રજાના પ્રશ્નોને વાચા આપવા માટે અપક્ષ ચૂંટણી લડી રહ્યા છે.