ગુજરાત ભાજપના ઉમેદવારોની યાદીની આખરી પસંદગી શરુ, દિલ્હીથી લાગશે મંજૂરીની મહોર

આજે મળનાર કોર ગ્રુપની બેઠક માટે નામો ની યાદીમોટાભાગની  તૈયાર થઈ ચૂકી છે. પક્ષની ચૂંટણી સમિતિ સમક્ષ જે યાદી રજૂ થવાની છે તેમાં અનેક નામોની આગળ ગ્રીન અને રેડ ટીક લાગી ગઇ હતી. આજે મળનાર કોર કમિટીમાં તમામ 182 બેઠકોના નામને આખરી સ્વરુપ આપી દેવાશે. અને આવતી કાલે યોજાનારી ભાજપની કેન્દ્રીય ચૂંટણી સમિતિની બેઠકમાં નામો પર  મંજૂરીની મહોર લાગશે. તા. 10ના રોજ પ્રથમ યાદી જાહેર થાય તેવી ધારણા છે.

ભાજપની કેન્દ્રીય ચૂંટણી સમિતિ લેશે નિર્ણય 
કોર કમિટીની બેઠક ગઈ કાલે મોડી રાત  સુધી મળી હતી અને આજે પણ આ બેઠક મળશે. જેમાં 182 બેઠકના ઉમેદવારો નામ પર ચર્ચા કરવામાં આવશે. ચૂંટણી સમિતિને  કામગીરીમાં સરળતા રહે તે માટે  નામોની યાદીને આખરી સ્વરુપ આપવાની કામગીરી ચાલુ રહી છે. બેઠકમાં ગુજરાત ચૂંટણી માટેના ઉમેદવારોના નામ પર ચર્ચા કરવામાં આવશે. આ નામો પછી આવતીકાલે યોજાનારી ભાજપની કેન્દ્રીય ચૂંટણી સમિતિની બેઠકમાં મંજૂરી માટે મૂકવામાં આવશે.