Article 370 Judgement: 4 વર્ષ, 4 મહિના અને 6 દિવસ પછી મોદી સરકારના નિર્ણય પર ‘સુપ્રીમ’ મહોર, SCએ કહ્યું- કેન્દ્ર સરકારનો નિર્ણય યોગ્ય

Article 370 Judgement: સુપ્રીમ કોર્ટમાંથી સોમવારે મોદી સરકારને મોટી રાહત મળી છે. સુપ્રીમ કોર્ટે જમ્મુ-કાશ્મીરમાંથી કલમ 370 હટાવવાના નિર્ણયને યથાવત રાખ્યો છે. CJI ડી.વાય ચંદ્રચુડે કહ્યું કે, જમ્મુ-કાશ્મીર ભારતનું અભિન્ન અંગ છે. જમ્મુ-કાશ્મીરમાં કેન્દ્ર સરકારનો નિર્ણય લાગુ રહેશે. સુપ્રીમ કોર્ટે સ્પષ્ટ કર્યું છે કે કેન્દ્ર સરકાર દ્વારા લેવાયેલો નિર્ણય એકદમ યોગ્ય હતો.

Supreme Court begins pronouncing judgement on a batch of petitions challenging the abrogation of Article 370 and bifurcation of the erstwhile state of Jammu and Kashmir into two Union territories pic.twitter.com/3WZ4LTydEG

— ANI (@ANI) December 11, 2023

SCમાં દાખલ કરાઈ હતી 22 અરજીઓ

5 ઓગસ્ટ, 2019ના રોજ મોદી સરકારે જમ્મુ-કાશ્મીરમાંથી કલમ 370ને હટાવી દીધી હતી, સાથે જ રાજ્યને બે ભાગો જમ્મુ અને કાશ્મીર અને લદ્દાખમાં વિભાજિત કર્યું હતું અને બંનેને કેન્દ્રશાસિત પ્રદેશ બનાવી દીધા હતા. કેન્દ્રના આ નિર્ણય સામે સુપ્રીમ કોર્ટમાં 23 અરજીઓ દાખલ કરવામાં આવી હતી, જે તમામની સુનાવણી બાદ કોર્ટે સપ્ટેમ્બરમાં નિર્ણય સુરક્ષિત રાખ્યો હતો.

જમ્મુ-કાશ્મીર પર સુપ્રીમ કોર્ટનો ઐતિહાસિક ચુકાદો

370 નાબૂદ થયાના 4 વર્ષ, 4 મહિના અને 6 દિવસ પછી સુપ્રીમ કોર્ટના પાંચ ન્યાયાધીશો જસ્ટિસ ડીવાય ચંદ્રચુડ, જસ્ટિસ સંજય કિશન કૌલ, જસ્ટિસ સંજીવ ખન્ના, જસ્ટિસ બીઆર ગવઈ અને જસ્ટિસ સૂર્યકાંતની બેંચે પોતાનો ચુકાદો સંભળાવ્યો છે.

Article 370: The Supreme Court says it holds that Jammu and Kashmir did not retain an element of internal sovereignty after it acceded to India pic.twitter.com/P7hgp9h986

— ANI (@ANI) December 11, 2023

રાષ્ટ્રપતિ પાસે અધિકાર છેઃ સુપ્રીમ કોર્ટ

ચુકાદો આપતી વખતે CJIએ કહ્યું કે જમ્મુ-કાશ્મીરમાં કલમ 370 અસ્થાયી જોગવાઈ છે. SCએ સ્વીકાર્યું કે,રાષ્ટ્રપતિ શાસન દરમિયાન રાજ્ય દ્વારા લેવામાં આવેલા કેન્દ્રના નિર્ણયને પડકારી શકાય નહીં. જમ્મુ-કાશ્મીરની બંધારણસભાની ભલામણો રાષ્ટ્રપતિ માટે બાધ્યકારી નથી અને ભારતના બંધારણની તમામ કલમો જમ્મુ-કાશ્મીર પર લાગુ થઈ શકે છે. કલમ 370(3) હેઠળ રાષ્ટ્રપતિને કલમ 370 નિષ્પ્રભાવી કરવાનો અધિકાર છે.

સુપ્રીમ કોર્ટના નિર્ણયના મુખ્ય મુદ્દાઓ

– રાષ્ટ્રપતિ પાસે કલમ 370 હટાવવાનો અધિકાર છે. કલમ 370 હટાવવાનો નિર્ણય બંધારણીય રીતે સાચો હતો.
– બંધારણની તમામ જોગવાઈઓ જમ્મુ-કાશ્મીર પર લાગુ પડે છે. આ નિર્ણય જમ્મુ-કાશ્મીરના એકીકરણ માટે હતો.
– જમ્મુ-કાશ્મીરમાં જલ્દી ચૂંટણી માટે પગલાં ભરવા જોઈએ. જમ્મુ-કાશ્મીરમાં 30 સપ્ટેમ્બર 2024 સુધીમાં ચૂંટણી યોજવી જોઈએ.
– જમ્મુ-કાશ્મીરમાં રાજ્યનો દરજ્જો જલ્દીથી પુનઃસ્થાપિત થવો જોઈએ.
– કલમ 370 અસ્થાયી જોગવાઈ હતી. જમ્મુ કાશ્મીર ભારતનો અભિન્ન અંગ છે. જમ્મુ અને કાશ્મીરમાં કોઈ આંતરિક સાર્વભૌમત્વ નથી.