ગુજરાતમાં ક્યાંક ઠંડી તો ક્યાંક વરસાદી ઝાપટા પડ્યા, જાણો આજે પલટાયેલા હવામાનનો મિજાજ

આજનું વેધર અપડેટ…
હવામાન વિભાગના જણાવ્યા પ્રમાણે બદલાયેલા વાતાવરણને કારણે દિવસ દરમિયાન મિશ્ર વાતાવરણ તો રાત્રે દેવભૂમિ દ્વારકા, ડાંગ, રાજકોટ નલિયા સહિતના શહેરોમાં ઠંડીનો પારો ગગડી શકે છે. જ્યારે અમદાવાદની વાત કરીએ તો આજે મહત્તમ તાપમાન 36 ડિગ્રી તથા લઘુત્તમ તાપમાન 25 ડિગ્રી અનુભવાશે. જ્યારે બીજી બાજુ અમરેલીમાં મહત્તમ તાપમાન 36 ડિગ્રી તથા ન્યૂનત્તમ તાપમાન 27 ડિગ્રી રહેશે.

આવી જ રીતે રાજ્યમાં ધીરે ધીરે શિયાળો પગપેસારો કરી રહ્યો છે, ત્યારે મોડી સાંજથી ઠંડીનો અનુભવ થવાનું પણ શરૂ થઈ શકે છે. તેમજ રાજ્યના કેટલાક વિસ્તારોમાં આગામી બે દિવસ સુધી વાદળછાયું વાતાવરણ પણ જોવા મળી શકે છે. તો આણંદની કરીએ ત્યારે અહીં મહત્તમ તાપમાન 35 ડિગ્રી તથા લઘુત્તમ તાપમાન ડિગ્રી 19 અનુભવાશે. જ્યારે અરવલ્લીમાં પણ મહત્તમ તાપમાન 34 ડિગ્રી તથા લઘુત્તમ તાપમાન 27 ડિગ્રી અનુભવાશે.

ગુલાબી ઠંડીમાં વરસાદી ઝાપટા
ગુજરાતના વાતાવરણમાં પલટો નોંધાયો હતો. આ દરમિાયન દક્ષિણ ગુજરાતમાં વાદળછાયા વાતાવરણ વચ્ચે ડાંગ તથા વાસંદામાં વરસાદ ખાબક્યો હતો. તેવામાં ગુલાબી ઠંડીની સિઝનમાં આવી રીતે વરસાદ વરસતા જોવાજેવી થઈ હતી.