ગાંધીનગરમાં અકસ્માત બાદ વિદ્યાર્થીઓથી ભરેલી સ્કૂલ વાન પકીડું વળી ગઈ, ધ્રૂજાવી દે તેવી તસવીરો સામે આવી

સ્કૂલ વાનમાં 10 વિદ્યાર્થીઓ સવાર હતા
ગાંધીનગરમાં ચ-6 સર્કલ પાસે આજે વિદ્યાર્થીઓને લઈને જતી સ્કૂલ વાન પલટી ગઈ હતી. વાનમાં 10 જેટલા બાળકો હતા, જેમને લઈને આ વાન સ્કૂલે જઈ રહી હતી. અકસ્માત એટલો ગંભીર હતો કે વાનનું પડીકું વળી ગયું હતું. ઘટનાને પગલે આસપાસથી સ્થાનિકો મદદ માટે દોડી આવ્યા હતા અને પોલીસ તથા એમ્બ્યૂલન્સને જાણ કરવામાં આવી હતી.

ઈજાગ્રસ્ત વિદ્યાર્થીઓને હોસ્પિટલ ખસેડાયા
હાલમાં આ સ્કૂલ વાન કેવી રીતે પલટી મારી ગઈ તે પાછળનું કોઈ કારણ સામે આવ્યું નથી. પરંતુ વાનની હાલત જોતા અકસ્માત ખૂબ જ ગંભીર લાગી રહ્યો છે. અકસ્માતને પગલે બાળકોના વાલીઓમાં પણ ચિંતાનું મોજું ફરી વળ્યું હતું અને તેઓ ઘટનાસ્થળે દોડી આવ્યા હતા. હાલમાં એક વિદ્યાર્થીને ગંભીર ઈજા પહોંચતા સારવાર માટે અમદાવાદની હોસ્પિટલમાં ખસેડવામાં આવ્યો હોવાની માહિતી પણ પ્રાપ્ત થઈ રહી છે.

CCTV Footage: ગાંધીનગરના ચ-6 સર્કલ પાસે પૂરપાટ જતી બસની ટક્કરથી સ્કૂલવાન પલટી, 10 બાળકોને નાની-મોટી ઇજા, તમામ બાળકોને સિવિલમાં સારવાર અર્થે ખસેડાયા#Gandhinagar #ACCIDENT pic.twitter.com/tZAKMJPzkN

— Gujarat Tak (@GujaratTak) November 18, 2022

(વિથ ઈનપુટઃ દુર્ગેશ મહેતા)