ઉર્દૂ પ્રાથમિક શાળાની વિદ્યાર્થીનીઓએ હીરા બાને શ્રદ્ધાંજલી પાઠવી, 2 મિનિટનું મૌન પાળ્યું

હીરા બાને શ્રદ્ધાંજલી પાઠવી
વડાપ્રધાન મોદી તેમના માતાને ભગવાનનો દરજ્જો આપતા હતા. હીરા બા હજુ પણ વડાપ્રધાન મોદીને નવી સીખ આપતા અને જીવનમાં માર્ગદર્શન આપતા હતા. તેમના 100મા જન્મ દિવસે વડાપ્રધાન મોદીએ માતા હીરા બાના આશીર્વાદ લીધા હતા. માતા અને પુત્ર વચ્ચેનો પ્રેમ વિશ્વભરમાં જાણીતો છે. તેવામાં હીરા બાના નિધનથી વડાપ્રધાન મોદી ઘણા ભાવુક જોવા મળ્યા છે. ઉર્દૂ પ્રાથમિક શાળાની વિદ્યાર્થીનીઓએ 2 મિનિટનું મૌન પાળીને હીરા બાને શ્રદ્ધાંજલી પાઠવી હતી.

સાદું ભોજન અને લાપસી તેમનું મનપસંદ ભોજન હતુ
હીરાબાને ઘરનું ખાવાનું જ પસંદ હતું. તેઓ મોટેભાગે ઘરનો જ ખોરાક લેતા. તેમને ખીચડી, દાળ, ભાત જેવી વસ્તુઓ વધારે ભાવતી હતી. ગળ્યામાં તેમને લાપસી વધારે ભાવતી. જન્મદિવસના અવસરે જ્યારે પણ પીએમ મોદી માતા હીરાબાના આશીર્વાદ લેવા જતા, તો તેમને હીરાબા સાકર અને લાપસીથી મોઢું મીઠું કરાવતા હતા. પ્રધાનમંત્રી જ્યારે પણ હીરાબા સાથે ભોજન કરતા તો તેઓ હંમેશા સાદું ભોજન જ લેવાનું પસંદ કરતા હતા.

With Input: સંજયસિંહ રાઠોડ