કચ્છમાં સરપંચ પુત્રએ કરી દારૂની રેડ, પોલીસ પર હપ્તા ઉઘરાવવાનો લગાવ્યો આરોપ

પશ્ચિમ કચ્છના એક પોલીસ સ્ટેશનમાં એક એવો વિચિત્ર બનાવ બન્યો. એક યુવક દારૂની થેલીઓ લઈ કચ્છના ગઢશીશા પોલીસ સ્ટેશન ખાતે પહોંચી દારૂની થેલીઓ પોલીસ સ્ટેશન ઓફિસર સામે ઠાલવી હતી.  કચ્છના માંડવી તાલુકામાં આવેલાં શેરડી ગામના સરપંચ પુત્ર દ્વારા ગામમાં વેચાતા દારૂ મુદ્દે પોલીસ ઇન્સ્પેકટરને જાણ કર્યા છતાંય પોલીસ સ્થળ પર ન પહોંચતા યુવકે ન છૂટકે જનતા રેડ કરી એક યુવકને દેશી દારૂની થેલીઓ સાથે પકડી તેને પોલીસ સ્ટેશન ઢસડી ગયો હતો. આ સમગ્ર ઘટનાનો વીડિયો હવે સોશ્યલ મીડિયા પર વારાલ થઈ થયો છે.