ભારે વિરોધ વચ્ચે શાહરૂખની ફિલ્મ ‘પઠાણે’ રિલીઝ પહેલા જ 100 કરોડની કમાણી કરી લીધી

Amazon prime સાથે થઈ પઠાણની ડીલ
રિપોર્ટ્સ મુજબ, પઠાણના ઓટીટી રાઈટ્સ પહેલાથી જ વેચાઈ ચૂક્યા છે. કહેવાઈ રહ્યું છે કે, મોટા ઓટીટી પ્લેટફોર્મ્સમાંથી એક અમેઝોન પ્રાઈમે શાહરુખ ખાનની કમબેક ફિલ્મના OTT રાઈટ્સ ખરીદવામાં બાજી મારી લીધી છે. ‘પઠાણ’ના ઓટીટી રાઈટ્સ માટે અમેઝોન પ્રાઈમે 100 કરોડ રૂપિયા ખર્ચ્યા છે. રિપોર્ટ્સના જણાવવા મુજબ, શાહરુખ, દીપિકાની ફિલ્મ માટે અમેઝોન પ્રાઈમે શનિવારે આ ડીલ ફાઈનલ કરી છે.

આ પણ વાંચો: તુનિશા શર્માના આજે અંતિમ સંસ્કાર થશે, સુસાઈડ કેસમાં રોજ નવા વળાંકો આવ્યા..

25 જાન્યુઆરીએ રિલીઝ થઈ હતી ફિલ્મ
નોંધનીય છે કે શાહરૂખની ફિલ્મ 25 જાન્યુઆરીએ થિયેટરમાં રિલીઝ થઈ રહી છે. ઓટીટી પર ‘પઠાણ’ ક્યારે રિલીઝ થશે તેની કોઈ ઓફિશિયલ જાણકારી હજુ સુધી સામે આવી નથી. પરંતુ અમેઝોન પ્રાઈમની ડીલ સાથે જોડાયેલી રિપોર્ટ્સમાં કહેવાઈ રહ્યું છે કે માર્ચના અંત અથવા તો એપ્રિલની શરૂઆતમાં ‘પઠાણ’ ઓટીટી પર રિલીઝ થઈ શકે છે.

આ પણ વાંચો: ફરી એકવાર અમરેલીની ધરા ધ્રુજી, એક સાથે બે ભૂકંપના આંચકા અનુભવાયા

સુરતમાં થયો હતો ફિલ્મનો વિરોધ
રવિવારે સુરતના કામરેજ ગામમાં આવેલા એક થિયેટરમાં બજરંગ દળ અને વિશ્વ હિન્દુ પરિષદના 150 જેટલા કાર્યકર્તાઓ પહોંચ્યા હતા. જ્યાં તેમણે પઠાણ ફિલ્મનો ઉગ્ર વિરોધ કરતા સૂત્રોચ્ચાર કર્યા હતા. સાથે જ થિયેટરમાં લાગેલા પઠાણ ફિલ્મના પોસ્ટરોને ઉતારીને ફાડી નાખ્યા હતા તથા ફેંકી દીધા હતા. સાથે જ જય શ્રીરામના નારા લગાવ્યા હતા. હિન્દુ સંગઠનના આગેવાન જય પટેલએ જણાવ્યું હતું કે, થોડા દિવસ પહેલા જ અને સિનેમાના મેનેજરને અપીલ કરી હતી કે પઠાણ ફિલ્મના બેનરો કે ફિલ્મ રજૂ ન કરતા. છતાં બેનરો લગાવામાં આવતા હિન્દુ સંગઠનના કાર્યકરો દ્વારા શાંતિપૂર્વક વિરોધ કરી બેનરો ઉતારી લેવામાં આવ્યા અને ફાડી નાખવામાં આવ્યા. તેમણે કહ્યું કે, અમારે શાહરૂખ ખાનના વિરોધ નથી, પરંતુ પઠાણ ફિલ્મમાં ભગવા કપડાંને જે રીતે બેશરમ રંગ દર્શાવવામાં આવે છે તેનો વિરોધ કરીએ છીએ.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…