સફળ સર્જરી બાદ Rishabh Pantને યાદ આવ્યા ‘દેવદૂત’, ફોટો શેર કરીને આ બે યુવકોને આભાર માન્યો

પંતે બે યુવકોનો આભાર માન્યો
પંતે ટ્વિટરના માધ્યમથી ખાસ કરીને તે બે લોકોનો ઉલ્લેખ કર્યો જેમણે અકસ્માત બાદ તેને હોસ્પિટલ પહોંચવામાં ખૂબ મદદ કરી હતી. પંતે ફોટો શેર કરીને લખ્યું કે, બની શકે કે હું વ્યક્તિગત રૂપથી તમામનો આભાર વ્યક્ત ન કરી શકું. પરંતુ હું આ બે હીરો રજત કુમાર અને નિશુ કુમારનો આભાર વ્યક્ત કરવા ઈચ્છું છું, જેમણે અકસ્માતમાં મારી મદદ કરી અને હું સુરક્ષિત રીતે હોસ્પિટલ પહોંચી શકું તે સુનિશ્ચિત કર્યું. ધન્યવાદ. હું હંમેશા તમારો આભારી અને ઋણી રહીશ.

I may not have been able to thank everyone individually, but I must acknowledge these two heroes who helped me during my accident and ensured I got to the hospital safely. Rajat Kumar & Nishu Kumar, Thank you. I’ll be forever grateful and indebted 🙏♥️ pic.twitter.com/iUcg2tazIS

— Rishabh Pant (@RishabhPant17) January 16, 2023

અગાઉ અન્ય ટ્વીટમાં ફેન્સનો આભાર માન્યો હતો
નોંધનીય છે કે, રિષભ પંતે આ પહેલા બે વધુ ટ્વીટ કર્યા હતા. જેમાં એક ટ્વીટમાં તેણે લખ્યું હતું કે, ‘હું સપોર્ટ અને શુભકામનાઓ માટે ખૂબ જ વિનમ્ર અનુભવી રહ્યો છું. મને આ જણાવતા આનંદ થઈ રહ્યો છે કે મારી સર્જરી સફળ રહી. રિકવરીની શરૂઆત થઈ ચૂકી છે અને હું આગળના પડકારો માટે તૈયાર છું. બીસીસીઆઈ, જય શાહ અને સરકારી ઓથોરિટીનો આભાર.’

I am humbled and grateful for all the support and good wishes. I am glad to let you know that my surgery was a success. The road to recovery has begun and I am ready for the challenges ahead.
Thank you to the @BCCI , @JayShah & government authorities for their incredible support.

— Rishabh Pant (@RishabhPant17) January 16, 2023

બંને યુવકે રિષભ પંતને કરી હતી મદદ
ઉલ્લેખનીય છે કે, રિષભ પંતની કારનો અકસ્માત થયો ત્યારે રજત કુમાર અને નીશુ કુમાર ઘટનાસ્થળે હતા. રિપોર્ટ મુજબ, આ બંનેએ પંતનો બધા સામાન અને કેશ સળગતી કારમાંથી બહાર કાઢ્યો હતો. રજત અને નિશુએ પોલીસને પંતનો સામાન પણ સોંપ્યો હતો. પંતને મળવા માટે બંને મેક્સ હોસ્પિટલ પણ પહોંચ્યા હતા. રજત કુમાર અને નિશુ કુમાર ઉત્તર પ્રદેશના મુજફ્ફરનગરના રહેવાસી છે.