‘દોષીઓના નામે નાના માણસોને પકડી સરકાર દેખાડો કરે છે’, હોસ્પિટલના રંગરોગાન પર શું બોલ્યા રેશ્મા પટેલ?

મોરબીમાં પીડિતોને મળવા જશે રેશમા પટેલ
રેશા પટેલે જણાવ્યુ કે, મોરબી બ્રિજ જેવી દુઃખદ ઘટનાઓ બને છે ત્યારે દોષીઓના નામે માત્ર નાના માણસોની ધરપકડ કરી ભાજપ સરકાર દ્વારા દેખાડો કરવામાં આવે છે અને સાચા ગુનેગારો ભયમુક્ત ફરે છે. ઓરેવા કંપનીના મુખ્ય જવાબદાર વ્યક્તિઓની ધરપકડ કરવાની અમે માંગ કરીએ છીએ. આજે અમે મોરબી ખાતે તંત્રને મળીને રજુઆત કરીશુ અને પીડિતોને મળીશું.

રેશ્મા પટેલે ભાજપ સરકાર પર કર્યા પ્રહાર
વધુમાં રેશમા પટેલે જણાવ્યું કે, ભાજપ સરકાર ચૂંટણી જીતવા માટે ભટકતી સરકાર બની ગઈ છે. માનવ જમાવડાં થાય એવા ઘણા બધા પ્રવાસન સ્થળો ઉપર જે નકોર વ્યવસ્થા અને દેખરેખ કરવાની હોય એ નથી કરતી. માનવ જીવનને મૂલ્ય વગરનું કરી દીધું છે, આવી દુઃખદ ઘટનાઓમાં લોકોના જીવ ગુમાવ્યા પછી મનોમંથનની જરૂર નથી, પરંતુ ઘટનાઓ ના બને એ પેલા જ સરકારે ચિંતન કરવાની જરૂર છે. મોરબીમાં વડાપ્રધાનની મુલાકાત માત્ર રાજકીય લાભનો રસ્તો બનીને ના રહે એ વિનંતિ કરું છું અને સાચા ગુનેગારોને દબોચવા માંગ કરું છું.

PM મોદીની મુલાકાત પહેલા મોરબી સિવિલ હોસ્પિટલમાં રંગરોગાન થતા શું બોલ્યા રેશ્મા પટેલ?#ReshmaPatel #MorbiBridgeCollapse #MorbiBridgeTragedy #PMModi pic.twitter.com/pedEEUG4ge

— Gujarat Tak (@GujaratTak) November 1, 2022

સિવિલમાં રંગરોગાન પર ઉઠાવ્યા સવાલ
આ સાથે જ તેમણે PM મોદીના મોરબી પ્રવાસ પહેલા જ સિવિલ હોસ્પટલમાં થઈ રહેલા રંગરોગાન પર પણ સવાલ ઉઠાવ્યા છે. તેમણે કહ્યું કે, જ્યારે સમગ્ર દેશ અને ગુજરાત દુ:ખી છે ત્યારે ભાજપ પોતાના ભ્રષ્ટાચારના કાર્યો અને લટકતા વિકાસને ઢાંકવા માટે મોરબીની હોસ્પિટલમાં રંગ રોગાન થઈ રહ્યું છે.

(વિથ ઈનપુટ: ભાર્ગવી જોશી)