ટીમ ઈન્ડિયાથી બહાર રવિન્દ્ર જાડેજા રિવાબા સાથે હવે ભાજપના કયા ઉમેદવાર માટે પ્રચાર કરશે?

દ્વારકામાં ચૂંટણી પ્રચાર માટે જશે જાડેજા
પ્રાપ્ત વિગતો મુજબ રવિન્દ્ર જાડેજા હવે રિવાબ સાથે સાથે દ્વારકાના ઉમેદવાર પબુભા માણેક માટે પણ ચૂંટણી પ્રચાર કરવા મેદાનમાં ઉતરશે. આજે જાડેજા દ્વારકાના કલ્યાણપુરમાં પબુભા માણેક માટે રોડ શો કરીને ભાજપને વોટ આપવા માટે અપીલ કરશે. આજે બપોરે જાડેજા આ માટે દ્વારકા પહોંચશે. ખાસ વાત છે કે અત્યાર સુધીમાં રવિન્દ્ર જાડેજા રિવાબા માટે જામનગરમાં પ્રચાર કરતા જોવા મળી રહ્યા હતા. ત્યારે હવે તેઓ અન્ય ઉમેદવાર માટે પણ ચૂંટણી પ્રચારના મેદાનમાં ઉતરી રહ્યા છે.

ટીમ ઈન્ડિયાની જર્સીમાં ભાજપ માટે વોટ માગતા ક્રિકેટ ફેન્સ જાડેજાથી નારાજ
નોંધનીય છે કે, હાલમાં જ રવિન્દ્ર જાડેજા એક ટ્વીટર પોસ્ટના કારણે વિવાદમાં આવ્યા હતા. જાડેજાએ ભારતીય ટીમની જર્સીમાં એક પોસ્ટર શેર કર્યું હતું, જેમાં તેઓ ભાજપ માટે વોટ માગી રહ્યા હતા. આ પોસ્ટર પર કેટલાક લોકોએ વાંધો ઉઠાવ્યો હતો અને બીસીસીઆઈ આ રીત રાજકીય પાર્ટીનો પ્રચાર કરવાની છૂટ આપે છે… તેવા પણ સવાલો કર્યા હતા. તો કેટલાક લોકોએ તેને ટીમમાંથી પણ બહાર કરવાની માગ કરી હતી.

(વિથ ઈનપુટ: રજનીકાંત જોશી)